న్యూఢిల్లీ: ఈ రోజుల్లో ఆన్‌‌‌‌‌‌‌‌లైన్ లావాదేవీలు సర్వసాధారణంగా మారాయి. ఎక్కడ చూసినా ఆన్‌‌‌‌‌‌‌‌లైన్ చెల్లింలు కనిపిస్తుంటాయి. యూపీఐ, నెట్ బ్యాంకింగ్, క్రెడిట్కార్డుల లావాదేవీలు విపరీతంగా పెరిగాయి. దేశంలోని అతిపెద్ద బ్యాంక్ స్టేట్ బ్యాంక్ ఆఫ్ ఇండియా (ఎస్బీఐ) తన వినియోగదారులకు నెట్ బ్యాంకింగ్ సేవలు అందిస్తున్న సంగతి తెలిసిందే. దీనివల్ల కస్టమర్‌‌‌‌‌‌‌‌లు ఆన్లైన్లో, ఎప్పుడైనా ఎక్కడైనా వివిధ బ్యాంకింగ్ లావాదేవీలను నిర్వహించవచ్చు. మీరు ఎస్బీఐ కస్టమర్ అయితే మీ ఆన్‌‌‌‌‌‌‌‌లైన్ నెట్బ్యాంకింగ్ ఖాతాను బ్రాంచ్కు వెళ్లకుండానే యాక్టివేట్ చేసుకోవచ్చు. ఇదంతా ఆన్‌‌‌‌‌‌‌‌లైన్‌‌‌‌‌‌‌‌లోనే చేయవచ్చు. ఒకసారి రిజిస్టర్ చేసుకున్న తర్వాత, ఎస్బీఐ నెట్ బ్యాంకింగ్ సదుపాయాన్ని మొబైల్‌‌‌‌‌‌‌‌లు, కంప్యూటర్లు, ట్యాబ్స్ వంటి ఎలక్ట్రానిక్ పరికరాల ద్వారా యాక్సెస్ చేయవచ్చు. ఆన్లైన్లో నెట్బ్యాంకింగ్ యాక్టివేషన్ ఎలా చేయాలో తెలుసుకుందాం.
స్టెప్ 1: ఎస్బీఐ నెట్ బ్యాంకింగ్ను ఆన్లైన్లో యాక్టివ్ చేయడానికి మొదటి స్టెప్ ఎస్బీఐ నెట్ బ్యాంకింగ్ అధికారిక వెబ్సైట్ -- https://retail.onlinesbi.sbi/retail/login.htm. కు వెళ్లాలి.
స్టెప్ 2: ఇప్పుడు అందులో "పర్సనల్ బ్యాంకింగ్ విభాగం" ఓపెన్ చేసి 'కంటిన్యూ లాగిన్' ఆప్షన్ను ఎంచుకోండి. ఈ బటన్పై క్లిక్ చేయడం ద్వారా, మీరు ఎస్బీఐ ఇంటర్నెట్ బ్యాంకింగ్ వాడకానికి సంబంధించిన సేవా నిబంధనలను అంగీకరించినట్టుగా భావించాలి.
స్టెప్ 3: ఈ దశలో“న్యూ కస్టమర్ రిజిస్ట్రేషన్”పై క్లిక్ చేయండి. రిజిస్ట్రేషన్ పేజీకి వెళ్లడానికి ఈ ఆప్షన్పై క్లిక్ చేయండి.
స్టెప్ 4: రిజిస్ట్రేషన్ పేజీలో, మీ ఖాతా నంబర్, సీఐఎఫ్ నంబర్, బ్రాంచ్ కోడ్, రిజిస్టర్డ్ మొబైల్ నంబర్ ఇతర వివరాలను ఇవ్వాలి. ఏవైనా సమస్యలు రాకుండా చూసుకోవడానికి అన్ని వివరాలను కచ్చితంగా ఇవ్వాలి.
స్టెప్ 5: వివరాలను ఎంటర్ చేసిన తర్వాత, మీరు ఓటీపీ (వన్-టైమ్ పాస్‌‌‌‌‌‌‌‌వర్డ్)ని క్రియేట్ చేసుకోవాలనే మెసేజ్ కనిపిస్తుంది. ఈ ఓటీపీ మీ రిజిస్టర్డ్ మొబైల్ నంబర్‌‌‌‌‌‌‌‌కు వస్తుంది. అక్కడ కనిపించే ఫీల్డ్‌‌‌‌‌‌‌‌లో ఓటీపీని ఎంటర్ చేసి, “సబ్మిట్” బటన్పై క్లిక్ చేయండి.
స్టెప్ 6: వెబ్సైట్ ఇప్పుడు రెండు చాయిస్లను చూపుతుంది. అవి... - ‘నా దగ్గర నా ఏటీఎం కార్డ్ ఉంది’ ‘నా ఏటీఎం కార్డ్ నా దగ్గర లేదు’. మొదటి ఎంపికను ఎంచుకుని, ఏటీఎం కార్డ్ వివరాలను నింపాలి. ఎస్బీఐ నెట్ బ్యాంకింగ్ ఆన్‌‌‌‌‌‌‌‌లైన్ రిజిస్ట్రేషన్.. ఏటీఎం కార్డ్‌‌‌‌‌‌‌‌తో మాత్రమే సాధ్యమవుతుంది. లేకపోతే, మీరు నెట్ బ్యాంకింగ్ రిజిస్ట్రేషన్ కోసం బ్యాంక్ శాఖకు వెళ్లాలి.
స్టెప్ 7: ఇప్పుడు ‘సబ్మిట్’ బటన్పై క్లిక్ చేయండి. వెంటనే టెంపరరీ యూజర్ నేమ్ స్క్రీన్‌‌‌‌‌‌‌‌పై కనిపిస్తుంది.
స్టెప్ 8: ఓటీపీని ఎంటర్ చేసిన తర్వాత, ఎస్బీఐ నెట్ బ్యాంకింగ్ కోసం లాగిన్ పాస్‌‌‌‌‌‌‌‌వర్డ్‌‌‌‌‌‌‌‌ను క్రియేట్ చేసుకోవాలని కోరుతుంది. గుర్తుంచుకోవడానికి వీలుకాని, ఇతరులు ఊహించడానికి కష్టతరమైన పాస్‌‌‌‌‌‌‌‌వర్డ్‌‌‌‌‌‌‌‌ను ఎంపిక చేసుకోవాలి.
స్టెప్ 9: మీరు మీ లాగిన్ పాస్‌‌‌‌‌‌‌‌వర్డ్‌‌‌‌‌‌‌‌ని సృష్టించిన తర్వాత, మీరు లాగిన్ పేజీకి వెళ్తారు. మీ ఎస్బీఐ నెట్ బ్యాంకింగ్ ఖాతాకు లాగిన్ కావడానికి యూజర్నేమ్, పాస్‌‌‌‌‌‌‌‌వర్డ్‌‌‌‌‌‌‌‌ను ఎంటర్ చేయండి.
స్టెప్ 10: మీ ఖాతాకు లాగిన్ అయిన తర్వాత, రిజిస్ట్రేషన్ను పూర్తి చేయాలి. రిజిస్ట్రేషన్ ప్రక్రియను పూర్తి చేయడానికి మీ ఈ–మెయిల్, సెక్యూరిటీ ప్రశ్నలు వంటి అదనపు సమాచారాన్ని అందించాల్సి రావచ్చు. మీకు ఏటీఎం కార్డ్ లేకపోతే, ఇంటర్నెట్ బ్యాంకింగ్ సౌకర్యం కోసం దరఖాస్తు చేసుకోవడానికి మీరు ఎస్బీఐ వెబ్సైట్ నుంచి నెట్బ్యాంకింగ్ రిజిస్ట్రేషన్ ఫారమ్‌‌‌‌‌‌‌‌ను డౌన్‌‌‌‌‌‌‌‌లోడ్ చేసుకోవచ్చు.
