అబిడ్స్, వెలుగు: గర్భిణి అయిన భార్యపై అసహజ లైంగిక దాడి చేసిన భర్తకు నాంపల్లి ఐదో అడిషనల్సెషన్స్ జడ్జి ఐదేండ్ల కఠిన కారాగార శిక్షతో పాటు జరిమానా విధిస్తూ కీలక తీర్పు ఇచ్చారు. రాజేంద్రనగర్ జోన్ డీసీపీ ఎస్. శ్రీనివాస్ కథనం ప్రకారం.. నందిముస్లాయిగూడలో టైలర్గా పని చేసే ఓ వ్యక్తికి పెండ్లయ్యింది.
ఇతడి భార్య గర్భవతి.. అయితే, ఆమె ఇష్టానికి విరుద్ధంగా అసహజ పద్ధతిలో లైంగిక దాడి చేస్తున్నాడు. ఒప్పుకోకపోవడంతో అప్పుడప్పుడు కడుపుపై కొడుతున్నాడు. వేధింపులు భరించలేక ఆమె ఫిర్యాదు చేయడంతో బహదూర్పురా పీఎస్లో కేసు నమోదైంది. సాక్ష్యాధారాలను పరిశీలించిన జడ్జి కె. అజేశ్కుమార్ నిందితుడిని దోషిగా నిర్ధారించి ఐదేండ్ల జైలు శిక్షతో పాటు రూ.5 వేలు ఫైన్ వేశారు.
