హుస్నాబాద్, వెలుగు : ఇంటిని ఎలాగైతే క్లీన్గా ఉంచుకుంటామో హోటల్స్ను కూడా అలాగే ఉంచాలని హుస్నాబాద్ మున్సిపల్ చైర్పర్సన్ ఆకుల రజిత అన్నారు. శుక్రవారం స్వచ్ఛతహీ సేవా కార్యక్రమంలో భాగంగా పట్టణంలోని హోటళ్లు, రెస్టారెంట్లలో పారిశుధ్యం, ఆహార పదార్థాల నాణ్యతను పరిశీలించారు. ఈ సందర్భంగా ఆమె మాట్లాడుతూ.. హోటళ్లలోని కిచెన్, స్టోర్ రూములు, హాల్స్ క్లీన్గా ఉండాలని నిర్వాహకులకు సూచించారు.
ప్లాస్టిక్ కవర్లలో పార్సల్ చేయొద్దని, టాయిలెట్లను పరిశుభ్రంగా ఉంచాలని సూచించారు. కార్యక్రమంలో మున్సిపల్ వైస్ చైర్ పర్సన్ అయిలేని అనిత, కౌన్సిలర్ స్వర్ణలత, శానిటరీ ఇన్స్పెక్టర్బాల ఎల్లమ్, ఎన్విరాన్మెంటల్ ఇంజినీర్ రవికుమార్, జవాన్లు సారయ్య , ప్రభాకర్ పాల్గొన్నారు.
