హుస్సేన్ సాగర్ లోకి వస్తున్న వరద పరిస్థితిని జీహెచ్ఎంసీ లేక్స్ విభాగం 24 గంటలుగా పరిశీలిస్తుంది. గత రెండు రోజుల నుంచి నగరంలో ఎడతెరపిలేకుండా కురుస్తున్న వర్షంతో హుస్సెన్ సాగర్ నిండు కుండలా మారింది. హుస్సేన్ సాగర్ ఎఫ్ టిఎల్ లెవెల్ 513.41 మీటర్లు కాగా.. ప్రస్తుతం నీటిమట్టం 513.64 మీటర్లకు చేరింది. హుస్సేన్ సాగర్ లో చేరిన వరద నీరు ఎప్పటికప్పుడు బయటకు వెళ్ళేలా రెండు అలుగులు మరియు ఒక తూమును ఓపెన్ చేశారు. అలుగులు, తూముకు అడ్డుపడుతున్న చెత్తాచెదారాన్ని క్లిన్ టెక్ మిషన్ మరియు సిబ్బందితో ఎప్పటికప్పుడు తొలగిస్తున్నారు. నగరవ్యాప్తంగా నిరంతరం పనిచేస్తున్న మాన్సూన్ ఎమర్జెన్సీ, డీఆర్ఎఫ్ బృందాలు, మరియు అధికారులను జీహెచ్ఎంసీ అప్రమత్తం చేసింది.
