- కింద వెళ్తున్న మరో కారుపై పడ్డ కారు
- ఆటో కోసం ఎదురుచూస్తున్న మహిళ అక్కడికక్కడే మృతి
- 8 మందికి తీవ్ర గాయాలు.
- ఓవర్ స్పీడ్ వల్లే ప్రమాదం, భారీగా ట్రాఫిక్ జామ్
హైదరాబాద్: నగరంలోని బయో డైవర్సిటీ ఫ్లై ఓవర్ పై ఘోర ప్రమాదం జరిగింది. ఫ్లై ఓవర్ పై నుంచి ఓ కారు (TS09 EW 5659)అదుపు తప్పి కింద వెళుతున్న మరో కారు మీద పడింది. అక్కడే ఆటో కోసం ఎదురు చూస్తున్న కొందరు వ్యక్తులపై పడడంతో ఓ మహిళ అక్కడికక్కడే మరణించగా మరో 8 మంది తీవ్ర గాయాలయ్యాయి . ఓవర్ స్పీడ్ తో వెళుతున్న కారు అదుపు తప్పి ఫ్లై ఓవర్ పై నుంచి పల్టీలు కొడుతూ కిందపడింది. ఈ ప్రమాదంలో కారు తునాతునకలైంది. దీంతో ఫ్లై ఓవర్ దగ్గర భారీగా ట్రాఫిక్ జామ్ ఏర్పడింది.
వారం రోజుల క్రితం ఇదే ఫ్లై ఓవర్ పై ఓ బైక్ యాక్సిడెంట్ జరిగింది. ఈ ప్రమాదంలో బైక్ పై ప్రయాణిస్తున్న ఇద్దరు వ్యక్తులు అక్కడికక్కడే మరణించారు.