హైదరాబాద్: గచ్చిబౌలిలో 28 ఏళ్ల సాఫ్ట్వేర్ ఉద్యోగిని చనిపోయిన ఘటన విషాదం నింపింది. మనీషా అనే యువతి హాస్టల్ గదిలో ప్రాణాలు తీసుకుంది. డీఎల్ఎఫ్ గేట్-2 ఎదురుగా ఉన్న హాస్టల్లో ఈ విషాదం జరిగింది. మనీషా స్వస్థలం ప్రకాశం జిల్లా యర్రగొండపాలెం.
‘నాన్నా..ఈ ఒంటరి జీవితం భరించలేకపోతున్నా.. మానసిక ఆందోళనతో అను క్షణం వేదన పడుతున్నా.. ఇక ఈ జీవితం నాకొద్దు’ అంటూ ఓ సాఫ్ట్వేర్ఎంప్లాయ్ తన తండ్రికి నోట్ రాసి ఆత్మహత్య చేసుకుని చనిపోయింది.
ఏపీ ప్రకాశం జిల్లా యర్రగొండపాలెం గ్రామానికి చెందిన బందెల మనీషా(28) గచ్చిబౌలి డీఎల్ఎఫ్ రోడ్డులోని ఓ ప్రైవేట్ హాస్టల్లో ఉంటూ నానక్రామ్గూడలోని ఓ ఐటీ కంపెనీలో సాఫ్ట్వేర్ జాబ్ చేస్తోంది. సోమవారం ఆఫీసుకు వెళ్లకుండా హాస్టల్లోనే ఉంది.
సాయంత్రం రూమ్మేట్స్ వచ్చి చూసేసరికి ఫ్యాన్కి ఉరివేసుకుని కనిపించింది. గదిలో తండ్రికి రాసిన నోట్ దొరికింది. తాను తీవ్ర మానసిక ఆందోళనకు గురవుతున్నానని, ఒంటరితనంతో సూసైడ్ చేసుకుంటున్నట్లు రాసింది.
