హై దరాబాద్,వెలుగు: తెలంగాణ రైజింగ్ గ్లోబల్ సమిట్లో క్రీడారంగానికి సంబంధించి కీలక అడుగు పడనుంది. దేశంలోనే తొలి మహిళా ఫుట్బాల్అకాడమీ తెలంగాణలో ఏర్పాటు కానుంది. హంకాంగ్ తరవాత ప్రపంచంలోనే రెండో మహిళల ఫుట్బాల్ అకాడమీ ఇదే కావడం విశేషం.
దేశంలో రెండో పురుషుల ఫుట్బాల్ అకాడమీ కూడా తెలంగాణలోనే ఏర్పాటు చేయనున్నారు. డిసెంబరు 8, 9 తేదీల్లో భారత్ ఫ్యూచర్ సిటీలో జరిగే సదస్సు లో తెలంగాణ ఫిఫా – ఏఐఎఫ్ఎఫ్ ఫుట్బాల్ అకాడమీలు వివరాలను ప్రకటించనున్నాయి. వీటితో పాటు హైదరాబాద్ లో ఇంటర్నేషనల్ చెస్ నిర్వహణకు సంబంధించిన ప్రకటన కూడా సదస్సులో వెలువడనుంది.
