షార్జా: బ్లాక్‌ లైవ్స్‌ మ్యాటర్‌ (బీఎల్‌‌‌‌‌‌‌‌ఎం) ఉద్యమానికి తన మద్దతు ఉంటుందని, టీ20వరల్డ్‌‌‌‌‌‌‌‌కప్‌‌‌‌‌‌‌‌లో మిగిలిన మ్యాచ్‌‌‌‌‌‌‌‌లకు అందుబాటులో ఉంటానని సౌతాఫ్రికా క్రికెటర్‌ క్వింటన్ డికాక్ తెలిపాడు. మోకాళ్లపై కూర్చొని బీఎల్ఎంకు మద్దతు తెలిపేందుకు నిరాకరించిన తను.. మంగళవారం వెస్టిండీస్‌‌‌‌‌‌‌‌తో మ్యాచ్కు దూరమై తీవ్ర విమర్శల పాలయ్యాడు. దీనిపై డికాక్ గురువారం క్షమాపణలు చెప్పుకున్నాడు. సౌతాఫ్రికా బోర్డు.. తన అభిప్రాయం తెలుసుకోకుండా బీఎల్ఎంకు మద్దతు పలకాలంటూ మ్యాచ్కు కొద్దిసేపటి ముందు ఆదేశించడం బాధ కలిగించిందన్నాడు. తాను రేసిస్ట్‌‌‌‌‌‌‌‌ను కాదని, రేసిజమ్‌‌‌‌‌‌‌‌కు వ్యతిరేకంగా అవగాహన కల్పించేందుకు సిద్ధమని డికాక్ స్పష్టం చేశాడు.
