టెస్ట్ క్రికెట్ స్థాయిని విస్తరించే ఆలోచనలో ఐసీసీ ఉన్నట్టు సమాచారం. వరల్డ్ టెస్ట్ ఛాంపియన్ షిప్ లో భాగంగా తొలిసారి 12 జట్లను ఆడేందుకు ఏర్పాట్లు జరుపుతుంది. ప్రస్తుతం జరుగుతున్న వరల్డ్ టెస్ట్ ఛాంపియన్ షిప్ లో 9 జట్లు ఆడుతున్నాయి. 2025-27 సైకిల్ లో ఎలాంటి మార్పులు ఉండవు. అనగా తొలి మూడు డబ్ల్యూటీసీలో ఆడిన 9 జట్లే ఆడనున్నాయి. 2027-29 WTC సైకిల్ లో జట్ల సంఖ్యను 9 నుండి 12కి పెంచుతారు. ప్రస్తుతం 9 జట్లు వరల్డ్ టెస్ట్ ఛాంపియన్ షిప్ ఆడుతుండగా.. రానున్న డబ్ల్యూటీసీలో కొత్తగా ఆఫ్ఘనిస్తాన్, జింబాబ్వే, ఐర్లాండ్ జట్లను అదనంగా చేర్చనున్నారు.
ఈ మూడు దేశాలు ఐసీసీ పూర్తి సభ్యులు అయినప్పటికీ ఇప్పటివరకు ఈ జట్లను వరల్డ్ టెస్ట్ ఛాంపియన్ షిప్ లో చేర్చలేదు. ఈ విషయంపై ఐసీసీ ఇటీవల దుబాయ్‌లో సమావేశమైంది. ESPNcricinfo నివేదిక ప్రకారం రెండంచెల టెస్ట్ ఫార్మాట్ (టు టైర్‌ సిస్టమ్‌) ఆలోచనను రద్దు చేయనుంది. "ప్రతి ఒక్కరూ టెస్ట్ క్రికెట్ ఆడే లక్ష్యంగా ముందుకు తీసుకెళ్తున్నాం. ఈ ఫార్మాట్ కొత్తగా ఆడేవారికి అవకాశాలు కల్పిస్తాం. ఇతర జట్లు టెస్ట్ ఛాంపియన్ షిప్ లో ఆడడానికి ప్రోత్సహిస్తాం". అని బోర్డు డైరెక్టర్ ఒకరు ESPNcricinfo కి చెప్పారు. కొత్త జట్లు అదే టెస్టుల విషయంలో ఐసీసీ త్వరలో క్లారిటీ ఇవ్వనుంది.
►ALSO READ | BAN vs IRE: బంగ్లాదేశ్ నుంచి ఇది ఊహించనిది.. ఐర్లాండ్‌పై 338 పరుగులకు ఒకటే వికెట్
ఇండియా, పాకిస్తాన్, శ్రీలంక, బంగ్లాదేశ్, వెస్టిండీస్, ఆస్ట్రేలియా, ఇంగ్లాండ్, సౌతాఫ్రికా, న్యూజిలాండ్ లతో పాటు ఆఫ్ఘనిస్తాన్, ఐర్లాండ్, జింబాబ్వేలు 2027-29 టెస్ట్ ఛాంపియన్ షిప్ ఆడే అవకాశాలు ఉన్నాయి. ముందుగా, ఈ 12 జట్లను రెండు విభాగాలుగా విభజించాలని ప్రణాళికలు ఉన్నాయి. అయితే రెండవ డివిజన్‌లో భాగం కావాలని భావించిన వెస్టిండీస్, శ్రీలంక, పాకిస్తాన్ వంటి దేశాలు పెద్ద దేశాలతో ఆడలేమేమో అనే భయంతో ఈ ఆలోచనను వ్యతిరేకించాయి. త్వరలో ఐసీసీ ఈ ఆలోచనను ఖరారు చేయనుందని సమాచారం.
