ఇండియన్ ఇన్‌స్టిట్యూట్ ఆఫ్ టెక్నాలజీ బాంబే (IIT B)కి చెందిన ఒక విద్యార్థి సంఘం తమ హాస్టల్ క్యాంటీన్‌లో శాఖాహార ఆహారంపై టేబుల్స్ వేరు చేయడాన్ని వ్యతిరేకిస్తూ నిరసన తెలిపిన విద్యార్థులపై.. మేనేజ్మెంట్ రూ. 10వేలు జరిమానా విధించినట్లు తెలిపింది. ప్రస్తుతం ఈ నిరసనల్లో పాల్గొన్న ఇతర విద్యార్థులను గుర్తించేందుకు విచారణ జరుగుతోంది.
ఇదే విషయంపై అక్టోబర్ 1న మెస్ కౌన్సిల్ సమావేశమై.. శాఖాహార విద్యార్థుల కోసం ఆరు టేబుళ్లను కేటాయించాలని నిర్ణయించింది. ఈ టేబుల్స్ పై వెజ్ మాత్రమే వడ్డించాలని ఈ మెయిల్ లోనూ తెలిపారు. అంతకుముందు హాస్టల్ క్యాంటీన్ లో నాన్ వెజ్ తిన్నందుకు ఓ విద్యార్థిని కొందరు విద్యార్థులు తీవ్రంగా అవమానించారు.
క్యాంటీన్ గోడలపై వెజిటేరియన్లు మాత్రమే ఇక్కడ కూర్చునేందుకు అర్హులని తెలిపే పోస్టర్లను అతికించి, సోషల్మ మీడియాల్లోనూ షేర్ చేశారు. దీంతో మాంసాహారం తినే విద్యార్థులపై వివక్ష చూపిస్తున్నారని పలువురు విద్యార్థులు ఆరోపించారు.
