IND vs ENG: బజ్‌బాల్ రుచి చూపిస్తున్న జైస్వాల్.. ఉప్పల్‌లో అభిమానుల కేరింతలు

గత రెండేళ్లుగా ఇంగ్లాండ్ క్రికెట్ జట్టు బజ్‌బాల్‌ ఆటతో హోరెత్తిస్తున్న విషయం తెలిసిందే. ప్రత్యర్థి జట్టు బౌలర్లపై ఆ జట్టు ఆటగాళ్లు చూపించే దూకుడుకు ఆ పేరు పెట్టుకొని నానా హంగామా చేస్తున్నారు. ఇప్పుడు వారు కనిపెట్టిన బజ్‌బాల్ రుచి వారికే ఎదురవుతోంది.

ఉప్పల్ వేదికగా ఇంగ్లాండ్‌తో జరుగుతున్న తొలి టెస్టులో యువ ఓపెనర్ యశస్వి జైస్వాల్(51 నాటౌట్; 47 బంతుల్లో 7 ఫోర్లు, 2 సిక్స్ లు) ధనాధన్ బ్యాటింగ్‌తో హోరెత్తిస్తున్నాడు. టీ20 తరహాలో బ్యాటింగ్ చేస్తూ.. హైదరాబాద్ అభిమానులను ఎంటర్టైన్ చేస్తున్నాడు. మరో ఎండ్‌లో రోహిత్ శర్మ సైతం అదే దూకుడు కనపరుస్తున్నాడు. ఈ జోడి ఇంగ్లీష్ బౌలర్లపై ఏమాత్రం జాలి చూపడం లేదు. చివరి రోజు ఆటను తొలి రోజే చూపెడుతున్నారు. బంతి బౌండరీ వెళ్లిన ప్రతీసారి హైదరాబాద్ అభిమానులు కేరింతలు కొడుతున్నారు.