భారత నౌకా దళ దినోత్సవం సందర్భంగా గురువారం సాయంత్రం ఇండియన్ నేవీ బ్యాండ్ విభాగం ఆధ్వర్యంలో ఎన్టీఆర్ మార్గ్లోని బీఆర్ అంబేద్కర్ విగ్రహం వద్ద నిర్వహించిన మ్యూజికల్ కన్సర్ట్ ఉత్సాహంగా సాగింది. ఇండియన్ నేవీకి చెందిన 36 మంది తెలుగు, వెస్ట్రర్న్ పాటలతో అలరించారు.
తెలంగాణ ప్రభుత్వం సహకారంతో నేవీ స్టేషన్ కమాండర్ రావ్నిష్ సేథ ఆధ్వర్యంలో ఈ కన్సర్ట్ ను నిర్వహించారు. కార్యక్రమంలో మహిళా శిశు సంక్షేమ శాఖ ప్రత్యేక కార్యదర్శి శృతి ఓజా, వివిధ శాఖల అధికారులు, భారత నౌకాదళ సిబ్బంది పాల్గొన్నారు.
- వెలుగు , హైదరాబాద్
