భువనేశ్వర్: స్వలింగ వివాహాలను చట్టబద్ధం చేయడానికి సుప్రీంకోర్టు నిరాకరించడంతో తాను అసంతృప్తి చెందానని ఇండియా స్టార్ స్ప్రింటర్ ద్యుతీ చంద్ చెప్పింది. ఐదేండ్లుగా సహజీవనం చేస్తున్న తన పార్ట్నర్ మోనాలిసాను పెండ్లి చేసుకోవాలన్న ప్లాన్ ఈ తీర్పుతో దెబ్బతిన్నదని తెలిపింది. ‘నేను నా పార్ట్నర్ మోనాలిసాను పెండ్లి చేసుకోవాలనుకుంటున్నా.
అయితే సుప్రీంకోర్టు తీర్పు మా ప్లాన్ను తలకిందులు చేసింది. మోనాలిసాతో ఐదేండ్లుగా సంతోషంగా ఉన్నా. పరిణితి కలిగిన వ్యక్తులుగా సొంత నిర్ణయాలు తీసుకునే హక్కు మాకు ఉంది. అయితే, స్వలింగ వివాహాలను అనుమతించేలా పార్లమెంటు ఒకచట్టం తెస్తుందని మేము ఆశిస్తున్నాం’ అని ద్యుతీ తెలిపింది.