భారత దేశం 77వ గణతంత్ర దినోత్సవం జరుపుకుంటున్న వేళ..గ్లోబల్సెర్చ్ ఇంజిన్గూగుల్ ఓ ప్రత్యేక డూడుల్ ను రూపొందించింది. భారత్ అంతరిక్ష రంగంలో సాధించిన విజయాలను గుర్తు చేసుకుంటూ డూడుల్ చిత్రాన్ని రూపకల్పన చేసింది. ఈ చిత్రంలో గగన యాన్, చంద్రయాన్ వంటి మైల్ స్టోన్స్ ప్రతిబింబించేలా అంతరిక్ష డిజైన్లను త్రివర్ణ రంగులతో GOOGLE అక్షరాలలో ఇమిడ్చి ప్రదర్శించించింది.
అంతరిక్ష సాంకేతికత, శాస్త్రీయ ప్రగతి అనే థీమ్ తో GOOGLE అక్షరాలలోని ఓపెన్ స్పేస్ లో రాకెట్లు, ఉపగ్రహాల కక్ష్యలు, అంతరిక్షనౌకల ఫొటోస్, జాతీయ జెండా రంగులతో కళాత్మకంగా రూపకల్పన చేసింది. ఈడూడుల్ ను క్లిక్ చేస్తే భారత దేశ గణతంత్ర దినోత్సవ చరిత్ర, ప్రత్యేకలను తెలిపి ప్రత్యేక పేజీని డిస్ ప్లే చేయడం అందరినీ ఆకట్టుకుంది. ఈ డూడుల్ ఆధునిక భారత దేశం టెక్నాలజీలో ప్రపంచంతో పోటీ పడుతూ అంతరిక్ష పరిశోధనలలో సాధిస్తున్న పురోగతిని ప్రతిబింబించేలా ఆకర్షణీయంగా రూపొందించారు.
గూగుల్ ఇండియా ఈ డూడుల్ ను షేర్ చేస్తూ Xలో ఇలా రాసింది.‘‘ఈ గూగుల్ డూడుల్ తో 77వ గణతంత్ర దినోత్సవాన్ని జరుపుకుంటున్నాం.. కలలు కనడం, సాకారం చేసుకునేలా చేయాల్సిన కృషి, లక్ష్యాన్ని చేరుకోవడం, చంద్రయాన్, ఆదిత్య ఎల్1 నుంచి గగన్ యాన్ వరకు ఇస్రో అన్వేషన స్పూర్తి కనిపిస్తుందని క్యాప్షన్ ఇచ్చింది.
Celebrating the 77th Republic Day with this Google Doodle 💫
— Google India (@GoogleIndia) January 26, 2026
Dreaming, exploring, and reaching for the stars. From Chandrayaan and Aditya-L1 to Gaganyaan next, here’s to ISRO's spirit of exploration. 🛰️✨ @isro pic.twitter.com/1Kfovdd5Ry
