ములకలపల్లి, వెలుగు: కడుపులో బిడ్డ అప్పటికే మృతి చెందింది. కరోనా సోకిందని ఆపరేషన్ చేయకుండా బయటకు పంపించేయడం, ఏ హాస్పిటల్లోనూ చేర్చుకోకపోవడంతో గర్భిణి సైతం చనిపోయింది. బాధితులు తెలిపిన వివరాల ప్రకారం.. భద్రాద్రి కొత్తగూడెం జిల్లా ములకలపల్లి మండలం సీతాయిగూడెం పంచాయతీ వార్డు మెంబర్సోయం ప్రసాద్ భార్య సుజాత(28)కు నెలలు నిండడంతో శనివారం సత్తుపల్లిలోని ప్రైవేటు దవాఖానాకు తీసుకువెళ్లారు. సుజాతను పరీక్షించిన డాక్టర్లు కడుపులోని శిశువు చనిపోయిందని, మెరుగైన వైద్యం అందించాలని చెప్పడంతో కుటుంబసభ్యులు ఖమ్మంలోని ప్రైవేట్దవాఖానలో చేర్చారు. 24 గంటలు అక్కడ ఉంచుకున్న డాక్టర్లు కరోనా సోకిందని చెప్పి ఆపరేషన్చేయకుండా సుజాతను బయటకు పంపేశారు. దీంతో భర్త ప్రసాద్ ఖమ్మంలోనే పలు దవాఖానలకు తీసుకువెళ్లినప్పటికీ ఎవరూ చేర్చుకోలేదు. పరిస్థితి విషమించి ఖమ్మంలోనే రోడ్డుపై సుజాత మృతి చెందింది. రూ.లక్ష కట్టించుకుని ఆపరేషన్ చేయకుండా బయటకు పంపడం వల్లే తన భార్య మృతి చెందిందని ప్రసాద్ వాపోయాడు. మృతురాలికి ఏడాది పాప ఉంది.
