కడెం, వెలుగు: కడెం ప్రాజెక్ట్ మరమ్మత్తుల పనులను ఆపరేషన్ అండ్ మెయింటెనెన్స్ ఈఎన్సీ నాగేందర్ రావు శనివారం మధ్యాహ్నం పరిశీలించారు. ప్రాజెక్టు ఎస్ఈ రవీందర్, ఇతర అధికారులతో కలిసి పరిశీలించి, నిర్వహణ తీరుపై వివరాలు అడిగి తెలుసుకున్నారు. వర్షాకాలం ప్రారంభమయ్యే నాటికి లిఫ్ట్ పనులన్నీ పూర్తయ్యేలా ప్రాజెక్టును సిద్ధం చేయలని ఆదేశించారు. అన్ని పనులు నాణ్యతతో చేయాలన్నారు. ఈ కార్యక్రమంలో ఓఅండ్ఎం ఎస్ఈ సంజీవ్, మెకానికల్ డివిజన్ ఏఈఈ సంగీత్, క్వాలిటీ కంట్రోల్ ఈఈ గోవర్దన్, డీఈ సత్యనారాయణ, ప్రాజెక్ట్ ఎస్ఈ రవీందర్, ఈఈ విఠల్, డీఈ బోజదాస్, ఏఈఈ రవి నాయక్, ప్రాజెక్టు అధికారులు, సిబ్బంది పాల్గొన్నారు.
