వికారాబాద్, వెలుగు: బీమా కుటుంబానికి రక్షణగా ఉంటుందని వికారాబాద్ ఎస్పీ నారాయణరెడ్డి అన్నారు. వికారాబాద్ జిల్లా పోలీస్కార్యాలయంలో హెచ్డీఎఫ్సీ బ్యాంక్, బజాజ్ అలియన్స్ ఆధ్వర్యంలో హోంగార్డులకు ప్రమాద బీమా, ఆరోగ్య బీమాపై అవగాహన కార్యక్రమం నిర్వహించారు. ఈ సందర్భంగా ఎస్పీ మాట్లాడుతూ.. ఊహించని ప్రమాదం జరిగినప్పుడు బీమా కలిగి ఉండకపోతే ఆర్థికంగా ఇబ్బందులు పడాల్సి వస్తుందన్నారు.
జీవిత బీమా ఉంటే కుటుంబ యజమాని మరణిస్తే అతనిపై ఆధారపడ్డ వారికి ఆర్థిక రక్షణ కలుగుతుందన్నారు. కార్యక్రమంలో ఏఎస్పీ బి.రాములునాయక్, ఏఆర్ డీఎస్పీ వీరేశ్, హెచ్డీఎఫ్సీ బ్యాంక్ వైస్ ప్రెసిడెంట్ సత్యనారాయణరావు, డిప్యూటీ వైస్ ప్రెసిడెంట్ పృథ్వీ అంబాటి, మేనేజర్ బాలకృష్ణ
పాల్గొన్నారు.
