లక్నో: యూపీ ఇన్వెస్టర్స్ సమ్మిట్ 3.0ను ప్రధానమంత్రి నరేంద్రమోడీ ప్రారంభించనున్నారు. లక్నోలోని ఇందిరాగాంధీ ప్రతిష్టాన్లో జరిగే ఇన్వెస్టర్స్ సమ్మిట్లో శుక్రవారం ఉదయం 11 గంటలకు ప్రధాని మోడీ పాల్గొంటారు. రూ.80 వేల కోట్లతో చేపట్టే 1,406 ప్రాజెక్టులకు ప్రధాని ఒకేసారి భూమి పూజ చేస్తారు. ఈ కార్యక్రమంలో దేశంలోని ప్రముఖ పారిశ్రామికవేత్తలు గౌతం అదానీ, కుమార మంగళం బిర్లా, సజ్జన్ జిందాల్, అనంత్ అంబానీ తదితరులు పాల్గొంటారు. ఈ సమ్మిట్లో పాల్గొనేందుకు విశాక ఇండస్ట్రీస్ చైర్మన్ వివేక్ వెంకటస్వామి గురువారమే లక్నో చేరుకున్నారు. ఉత్తరప్రదేశ్ ముఖ్యమంత్రి యోగి ఆదిత్యనాథ్తో ఆయన భేటీ అయ్యారు.
పరౌంఖ్ గ్రామానికి రాష్ట్రపతి, ప్రధాని
సమ్మిట్ తర్వాత 1.45 గంటలకు కాన్పూర్లోని పరౌంఖ్ గ్రామానికి చేరుకుంటారు. అక్కడ రాష్ట్రపతి రామ్నాథ్ కోవింద్తో కలిసి పత్రి మాతా మందిర్ను సందర్శిస్తారు. 2 గంటల సమయంలో అంబేద్కర్ భవన్ను, 2.15 గంటలకు మిలన్ కేంద్రను పరిశీలిస్తారు. మిలన్ కేంద్ర అనేది రాష్ట్రపతి పూర్వీకుల ఇల్లు. దానిని ప్రజా ప్రయోజనం కోసం ఉపయోగించేందుకు ఆయన డొనేట్ చేశారు. ప్రస్తుతం దానిని కమ్యూనిటీ సెంటర్గా మార్చారు. 2.30 గటంలకు పరౌంఖ్ గ్రామంలో జరిగిన పబ్లిక్ మీటింగ్లో ప్రధాని, రాష్ట్రపతి పాల్గొంటారు.
