కలియుగాన్ని అంతం చేసే 'కల్కి' అవతారం ఎప్పుడొస్తుంది.. ఆయనతో పాటు యుద్ధం చేసే వారు ఎవరు?

మన సనాతన ధర్మ గ్రంథాలైన కల్కి పురాణం, అగ్ని పురాణాల ప్రకారం.. కలియుగంలో పాపాలు బాగా పెరిగిపోయినప్పుడు, విష్ణుమూర్తి తన పదో అవతారమైన 'కల్కి' రూపంలో భూమిపైకి వస్తారని స్పష్టంగా ఉంది. భూమి మీద అన్యాయాన్ని, పాపులను తుడిచేసి, మళ్లీ మంచి రోజులను తీసుకురావడమే ఆయన ముఖ్య లక్ష్యం. కల్కి ప్రభువు భూమిపైకి వచ్చినప్పుడు, చిరంజీవులైన గొప్ప యోధులతో కలిసి న్యాయాన్ని కాపాడటానికి ఒక మహా యుద్ధం జరుగుతుంది. ఆ విశేషాలు ఏంటో ఇప్పుడు చూద్దాం.....

కల్కి ప్రభువు ఎక్కడ జన్మిస్తారు?
కల్కి పురాణం ప్రకారం.. కలియుగం అంతమై, సత్యయుగం మొదలయ్యే సమయంలో ఈ అవతారం ఉంటుంది. ఉత్తర ప్రదేశ్‌లోని మొరాదాబాద్ జిల్లాలో ఉన్న 'శంభల' అనే గ్రామంలో కల్కి జన్మిస్తారు. 'విష్ణుయశ' అనే ఒక మంచి, సంస్కారవంతుడైన బ్రాహ్మణుడికి ఆయన కొడుకుగా పుడతారు. ఆయన తల్లి పేరు 'సుమతి'. శ్రీమద్ భాగవతం, కల్కి పురాణాల ప్రకారం.. కల్కి ప్రభువు వైశాఖ మాసం, శుక్ల పక్షం ద్వాదశి (12వ రోజు) తిథి నాడు జన్మిస్తారు.

కల్కి పుట్టినప్పుడు ఎలాంటి అద్భుతాలు జరుగుతాయి?
పురాణాల ప్రకారం.. కల్కి ప్రభువు భూమిపైకి వచ్చేటప్పుడు పెద్ద పెద్ద తుఫానులు, కుండపోత వర్షాలు కురుస్తాయి. ఈ ప్రకృతి మార్పులన్నీ భూమి మీద ఉన్న పాపాలు అంతం కాబోతున్నాయనడానికి సంకేతం. త్రేతాయుగంలో శ్రీరాముడిని, ద్వాపరయుగంలో శ్రీకృష్ణుడిని చూడటానికి దేవతలందరూ భూమికి వచ్చినట్లే.. కల్కి అవతారం వచ్చినప్పుడు కూడా దేవతలందరూ ఆకాశం నుండి పూల వర్షం కురిపించడానికి భూమికి దిగివస్తారు.

కల్కికి గురువు ఎవరు?
విష్ణుమూర్తి ఆరో అవతారమైన పరశురాముడే కల్కి ప్రభువుకు గురువు అవుతారు. చిరంజీవి అయిన పరశురాముడు ఇప్పటికీ భూమిపైనే ఉన్నారు. ఆయనే కల్కికి యుద్ధ విద్యలు, వేదాలు నేర్పిస్తారు.

కల్కికి తోడుగా నిలిచే ఆరుగురు అమర యోధులు ఎవరు?
కల్కి పురాణం ప్రకారం.. అధర్మానికి వ్యతిరేకంగా జరిగే ఈ చివరి మహా యుద్ధంలో కల్కి ప్రభువుతో పాటు ఆరుగురు చిరంజీవులు (అమర యోధులు) తోడుగా నిలుస్తారు. హనుమంతుడు, పరశురాముడు, అశ్వత్థామ,వేదవ్యాస, మహర్షి, విభీషణుడు, కృపాచార్యుడు...వీరంతా కలిసి భూమి మీద ఉన్న అన్యాయాన్ని, చెడును అనామక చిహ్నం లేకుండా తుడిచిపెట్టేస్తారు.

 Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనాన్ని  పురాణాల ప్రకారం పండితులు.. నిపుణుల సలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించరు. మీకున్న ఆధ్యాత్మిక నిపుణులను సంప్రదించటం ఉత్తమం.