‘హీరో’ చిత్రంతో టాలీవుడ్ ఎంట్రీ ఇచ్చిన మహేష్ బాబు మేనల్లుడు అశోక్ గల్లా.. తన రెండో సినిమాగా ‘దేవకీ నందన వాసుదేవ’ చిత్రంలో నటిస్తున్నాడు. ‘గుణ 369’ ఫేమ్ అర్జున్ జంధ్యాల దర్శకత్వం వహిస్తున్న ఈ చిత్రానికి దర్శకుడు ప్రశాంత్‌ వర్మ కథను అందించాడు. ఇప్పటికే ఒక పాటను రిలీజ్ చేసిన మేకర్స్.. శుక్రవారం సూపర్ స్టార్ కృష్ణ జయంతి సందర్భంగా ‘జై బోలో కృష్ణ’ సాంగ్‌‌ను విడుదల చేశారు.
భీమ్స్ సిసిరోలియో కంపోజ్ చేసిన ఈ పాటకు రఘురామ్ లిరిక్స్ రాయగా, స్వరాగ్ కీర్తన్ పాడాడు. శ్రీ కృష్ణ జన్మాష్టమి బ్యాక్‌‌డ్రాప్‌‌లో సాగే ఈ పాటలో అశోక్ గల్లా లుక్ ఇంప్రెస్ చేస్తోంది. యష్ మాస్టర్ కొరియోగ్రఫీ చేశాడు. వారణాసి మానస హీరోయిన్‌‌గా నటిస్తున్న ఈ చిత్రాన్ని నల్లపనేని యామిని సమర్పణలో సోమినేని బాలకృష్ణ నిర్మిస్తున్నారు.
