జైపూర్, వెలుగు: జైపూర్ సింగరేణి థర్మల్ పవర్ ప్లాంట్ మరో అవార్డు అందుకుంది. కౌన్సిల్ అఫ్ ఎన్విరాన్మెంట్ ఎక్సలెన్స్ ఆధ్వర్యంలో శనివారం మహారాష్ట్రలోని నాగ్పూర్లో జరిగిన 4వ జాతీయ పవర్ జనరేషన్ ఎన్విరాన్మెంట్ ఎక్సలెన్స్ 2025 కార్యక్రమంలో ‘బెస్ట్ ఎన్విరాన్మెంటల్ ఎక్స లెన్స్ టీమ్ అఫ్ ది ఇయర్’ అవార్డును ఎస్టీపీపీ కైవసం చేసుకుంది. ఈ ఆవార్డును (సిస్టం అండ్ ఎఫీషియెన్సీ) డీజీఎం పి.వీరబ్రహ్మం, డైరెక్టర్ ఎస్.వెంకట మోహన్ అందుకున్నారు.
దీంతో ఎస్టీపీపీ అవార్డుల సంఖ్య 53కు చేరుకుంది. ఈ సందర్భంగా ఎస్టీపీపీ ఈడీ చిరంజీవి, జీఎం శ్రీనివాసులు మాట్లాడుతూ.. సింగరేణిలో చేపడుతున్న పర్యావరణహిత చర్యలకు గుర్తింపుగా ఈ అవార్డు దక్కిందన్నారు. కాలుష్య నివారణ చర్యలు అనేక చర్యలు తీసుకుంటున్నామని తెలిపారు. అవార్డు దక్కడం పట్ల డైరెక్టర్ (ఈ అండ్ ఎం) సత్యనారాయణ రావు హర్షం వ్యక్తం చేస్తూ ఉద్యోగులను అభినందించారు.
