భారత్ – పాక్ ల మధ్య మాటల యుద్ధం తారాస్థాయికి చేరింది. పీవోకేలో ఉగ్రస్థావరాల్ని ఇండియన్ ఆర్మీ విధ్వంసం చేసింది. దీంతో భారత్ పై పాక్ అవాకులు చెవాకులు పేల్చుతుంది. ఓ వైపు దాడులకు పాల్పడుతూనే భారత జవాన్లే ముందు కాల్పులు జరిపారని పాక్ బుకాయించింది. భారత కాల్పులను తిప్పికొట్టేందుకే తమ సైనికులు కాల్పులు జరిపారని, 9 మంది ఇండియన్ జవాన్లు చనిపోయారని చెప్పింది. పాక్ పౌరులను లక్ష్యంగా చేసుకుని ఇండియన్ ఆర్మీ కాల్పులు జరిపిందని, ముగ్గు రు పౌరులు చనిపోయారని చెబుతూ మన మీదే నింద వేసేందుకు ప్రయత్నించింది.
పాక్ తీరుపై ధీటుగా జమ్ము – కశ్మీర్ గవర్నర్ సత్యపాల్ మాలిక్ కౌంటర్ ఇచ్చారు. వీవోకేలో ఉన్న ఉగ్రవాదుల్ని మట్టుబెడతాం. అవసరమైతే పాక్ భూభాగంలోకి వెళ్లి ఉగ్రవాదుల్ని ఏరిపారేస్తామని హెచ్చరించారు.
ఈ ఏడాదిలో ఇప్పటివరకు 2,050 దాడులకు పాల్పడ్డ పాక్
జులై 30న కూడా పాక్ సైనికులు తంగ్ధార్ సెక్టార్ వద్దే దాడులకు తెగబడ్డారు. అదృష్టవశాత్తూ ఎవరూ చనిపోలేదు. కొందరు గాయపడ్డారు. ఆస్తి నష్టం జరిగింది. అప్పటి నుంచి అక్కడి జనం భయం గుప్పి ట్లో బతుకుతున్నా రు. ఈ ఏడాది ఇప్పటిదా కా పాక్ 2,050 సార్లు కాల్పుల విరమణను ఉల్లం ఘించిం ది. గత మూడు నెలల్లో పాక్ 895 సార్లు కాల్పులు జరిపింది. జులైలో 296 సార్లు, ఆగస్టులో 307, సెప్టెం బర్లో 292 సార్లు కాల్పులకు తెగబడింది. 21 మంది సామాన్య జనాన్ని పొట్టనబెట్టు కుంది. 2017, 2018లోని అవే నెలలతో పోలిస్తే పాక్ ఇప్పుడు కయ్యానికి కాలు దు-వ్వుతు న్న ఘటనలు చాలా ఎక్కువ. 2017, 2018 జులైలో వరుసగా 68, 13, ఆగస్టులో 108, 44,సెప్టెం బర్లో 101, 102 సార్లు కాల్పుల విరమణ ఒప్పందానికి పాక్ తూట్లు పొడిచింది.
