జనగామ అర్బన్, వెలుగు: ఎన్నికల ప్రవర్తన నియమావళి పక్కాగా అమలు కావాలని, గ్రామ పంచాయతీ ఎన్నికలను సాఫీగా నిర్వహించేందుకు తగిన ఏర్పాట్లు ఉండాలని జిల్లా ఎన్నికల పరిశీలకులు రవి కిరణ్ అన్నారు. శుక్రవారం జీపీ ఎన్నికల పై కలెక్టర్, అడిషనల్ కలెక్టర్ పింకేశ్కుమార్, డీసీపీ రాజ మహేంద్ర నాయక్తో కలిసి జిల్లా ఎన్నికల పరిశీలకులు నోడల్ అధికారులతో సమీక్షా నిర్వహించారు.
ఈ సందర్భంగా ఆయన మాట్లాడుతూ జిల్లాలో గ్రామపంచాయతీ ఎన్నికలను సాఫీగా నిర్వహించేందుకు ఎలాంటి ఇబ్బందులు తలెత్తకుండా తగిన ఏర్పాట్లు ఉండాలని అన్నారు. కలెక్టర్ మాట్లాడుతూ జిల్లాలో మూడు దశల్లో నిర్వహిస్తున్న గ్రామపంచాయతీ ఎన్నికల ఏర్పాట్లు పూర్తి చేశామన్నారు. కార్యక్రమంలో జడ్పీ సీఈవో మాధురీ షా, ఇన్చార్జి డీపీవో, డీఆర్డీవో వసంత, నోడల్అధికారులు పాల్గొన్నారు.
