జనగామ అర్బన్(తరిగొప్పుల), వెలుగు: దసరాకు నీళ్లిచ్చాకే గ్రామానిక మళ్లొస్తానని జనగామ ఎమ్మెల్యే పల్లా రాజేశ్వర్రెడ్డి అన్నారు. సోమవారం తరిగొప్పుల మండలంలోని అంకుశాపూర్, సోలిపురం గ్రామాల్లో ఆయన వీవో భవనాల నిర్మాణ పనులకు శంకుస్థాపన చేశారు. ఈ సందర్భంగా ఎమ్మెల్యే మాట్లాడుతూ గ్రామాభివృద్ది, ప్రజా సంక్షేమమే ధ్యేయంగా రాజకీయాలకు అతీతంగా అందరూ కలిసి పనిచేయాలని పిలుపునిచ్చారు.
తరిగొప్పుల పరిధిలోని 14-15 గ్రామాలు, తండాల సాగు, తాగునీటి ఎత్తిపోతల పథకం పనులు చివరి దశకు వచ్చాయని, దసరా పండుగ నాటికి అంకుశాపూర్కు నీరు అందించి, 15 గ్రామాల చెరువులను కాళేశ్వరం నీటితో నింపుతానని స్పష్టం చేశారు. నీళ్లు అందించిన తర్వాతే మళ్లీ గ్రామానికి వస్తానని హామీ ఇచ్చారు.
