హైదరాబాద్, వెలుగు: మనరాష్ట్రంలో స్టార్టప్ ఎకోసిస్టమ్ అభివృద్ధి కోసం రూ.1,336 కోట్లు ఇస్తామని జపాన్ ఇంటర్నేషనల్ కో–ఆపరేషన్ ఏజెన్సీ (జైకా) ప్రకటించింది. ఇందుకు కేంద్రంతో మంగళవారం లోన్ అగ్రిమెంట్ కుదుర్చుకుంది. స్టార్టప్ ఎకోసిస్టమ్ను పెంపొందించడం ద్వారా నిరుద్యోగం, ఆర్థికాభివృద్ధి సవాళ్లను ఎదుర్కోవడం సాధ్యమవుతుందని తెలిపింది.
ఈ కార్యక్రమం పట్టణ పారిశ్రామికవేత్తలకు మాత్రమే కాకుండా గ్రామీణ ప్రాంతాల్లోని మహిళలు, ఎంటర్‌‌‌‌ప్రెనూర్లకు మద్దతునిచ్చేందుకు రూపొందించామని తెలిపింది. జపనీస్ స్టార్టప్‌‌‌‌‌‌‌‌లు తెలంగాణలోకి ప్రవేశించడంలో, వారి వ్యాపారాలకు సాయం చేయడంలో జైకా కీలక పాత్ర పోషిస్తుంది.
