దమ్మపేట, వెలుగు : ఒకే గ్రామం.. ఒకే పార్టీ నుంచి ఇద్దరు ఎమ్మెల్యేలుగా గెలుపొందారు. భద్రాద్రి కొత్తగూడెం జిల్లా దమ్మపేట మండలం గండుగులపల్లి గ్రామానికి చెందిన మాజీ మంత్రి, సీనియర్ నాయకుడు తుమ్మల నాగేశ్వరరావు, అదే గ్రామానికి చెందిన జారే ఆదినారాయణ కాంగ్రెస్ నుంచి టికెట్ దక్కించుకున్నారు. ఒకరు ఖమ్మం, మరొకరు అశ్వారావుపేట స్థానాల నుంచి పోటీ చేశారు. ఇద్దరూ అత్యధిక మెజారిటీతో గెలుపొందడంతో ఆ గ్రామస్తులు హర్షం వ్యక్తం చేస్తున్నారు.
