- అమెజాన్ మాజీ చీఫ్తో సహా నలుగురి రోదసియాత్ర
వాషింగ్టన్: అంతరిక్షంలోకి మరో టూర్ కు రంగం సిద్ధమైంది. అమెజాన్ మాజీ సీఈవో జెఫ్ బెజోస్తో పాటు మరో ముగ్గురు మంగళవారం సాయంత్రం 6.30 గంటలకు స్పేస్ టూర్కు వెళ్లనున్నారు. పదిరోజుల క్రితం వర్జిన్ గెలాక్టిక్ అధినేత రిచర్డ్ బ్రాన్సన్, శిరీష బండ్ల తదితరులు విజయవంతంగా రోదసి యాత్రకు పోయొచ్చారు. ఈసారి జెఫ్ బెజోస్ కు చెందిన బ్లూ ఆరిజిన్ కంపెనీ స్పేస్ టూర్ చేపట్టింది. ఈ టూర్లో ఆస్ట్రోనాట్ల మాదిరిగా రాకెట్ను, క్యాప్సూల్ను వాడుతున్నారు. క్యాప్సూల్లో ఆరు సీట్లు ఉంటాయి. బెజోస్తో పాటు ఆయన తమ్ముడు మార్క్ బెజోస్, అమెరికన్ మాజీ మహిళా పైలట్ వాలీ ఫంక్(82), వేలంలో టికెట్ను కొనుక్కున్న ఓ వ్యక్తి తరఫున నెదర్లాండ్స్ టీనేజర్ ఒలివర్ డీమెన్(18) ప్రయాణిస్తున్నారు.
