- మొత్తం 580 ఆభరణాలను ఎత్తుకెళ్లిన దుండగులు
- మేడ్చల్-మల్కాజిగిరి జిల్లా మేడిపల్లిలో ఘటన
మేడిపల్లి, వెలుగు: మేడ్చల్–మల్కాజిగిరి జిల్లాలోని మేడిపల్లిలో వరంగల్‌ హైవేపై ఉన్న క్యారెట్‌ లేన్‌- టాటా గోల్డ్ షోరూమ్లో భారీ దొంగతనం జరిగింది. ఆదివారం అర్ధరాత్రి పక్కా ప్రణాళికతో వచ్చిన దుండగులు షోరూమ్ షట్టర్లు వంచి, లోపలికి వెళ్లి సుమారు 1.4 కిలోల బరువున్న 580 బంగారు ఆభరణాలను ఎత్తుకెళ్లారని ఉప్పల్ డీసీపీ సురేశ్కుమార్ తెలిపారు.
వీటి విలువ రూ.2 కోట్లకు పైగా ఉంటుందని చెప్పారు. చోరీకి గురైన వాటిలో 435 ఉంగరాలు, 88 బ్రేస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లెట్లు, 19 గాజులు, 17 నెక్లెస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లు, 9 చెవిరింగులు, 8 పెండెంట్లు, 2 గొలుసులు, ఒక మంగళసూత్రం, ఒక ముక్కు పుడక ఉన్నాయన్నారు.
సోమవారం ఉదయం షోరూమ్ సిబ్బంది సమాచారం ఇవ్వడంతో వెంటనే ఘటనాస్థలికి చేరుకుని క్లూస్‌ టీమ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో ఆధారాలు సేకరించామని తెలిపారు. ఈ ఘటనలో ఏడుగురు నిందితులు పాల్గొని ఉండొచ్చని ప్రాథమికంగా అంచనా వేస్తున్నట్లు చెప్పారు.
చోరీ అనంతరం వారు ఉప్పల్ వైపు వెళ్లినట్లు సీసీ ఫుటేజీ ద్వారా గుర్తించామన్నారు. నిందితుల ఆచూకీ కోసం 5 ప్రత్యేక బృందాలను రంగంలోకి దించినట్లు పేర్కొన్నారు. కేసు దర్యాప్తు అయ్యాక పూర్తి వివరాలు వెల్లడిస్తామని తెలిపారు.
