బాన్సువాడ, పిట్లం, వెలుగు: రాష్ట్రంలో డబుల్ఇంజిన్ ప్రభుత్వాన్ని అధికారంలోకి తీసుకురావడానికి బీజేపీ కార్యకర్తలు కీలక పాత్ర పోషించాలని ఆ పార్టీ స్టేట్వైస్ ప్రెసిడెంట్, ఖైరతాబాద్ మాజీ ఎమ్మెల్యే చింతల రామచంద్రారెడ్డి పేర్కొన్నారు. ఎన్నికల సన్నాహక సమావేశాల్లో భాగంగా మంగళవారం బాన్సువాడ, జుక్కల్లో జరిగిన కార్యక్రమాల్లో పాల్గొన్నారు. రామచంద్రారెడ్డి మాట్లాడుతూ.. కేసీఆర్ నిరంకుశ పాలన నుంచి తెలంగాణకు విముక్తి కల్పించాలన్నారు.
కేంద్రం ఆవాస్ యోజన పథకం కింద రాష్ట్రానికి రూ. నాలుగు లక్షల కోట్లు ఇచ్చిందన్నారు. ప్రజల్లో బీజేపీకి ఆదరణ పెరుగుతుందని, ఈ అవకాశాన్ని సద్వినియోగం చేసుకోవాలన్నారు. కేంద్ర ప్రభుత్వం ప్రవేశ పెట్టిన సంక్షేమ పథకాలను ప్రజలకు వివరించాలన్నారు. పార్టీ జిల్లా ప్రెసిడెంట్అరుణతార, మండలాల పార్టీ ప్రెసిడెంట్లు బాన్సువాడ నియోజకవర్గ ఇన్చార్జి మల్యాద్రి రెడ్డి, లీడర్లు శ్రీనివాస్ గార్గే, అసెంబ్లీ కన్వీనర్ కొత్తకొండ భాస్కర్, పైడిమల లక్ష్మీనారాయణ తదితరులు పాల్గొన్నారు.
