సౌతాంప్టన్: వరల్డ్కప్లో ఇంగ్లండ్కు మరో విజయం. నిలకడకు, నైపుణ్యానికి మారుపేరైన జో రూట్ సెంచరీతో చెలరేగడంతో.. శుక్రవారం జరిగిన లీగ్ మ్యాచ్లో ఆతిథ్య జట్టు 8 వికెట్ల తేడాతో వెస్టిండీస్పై గెలిచింది. టాస్ ఓడి బ్యాటింగ్కు దిగిన విండీస్ 44.4 ఓవర్లలో 212 రన్స్కు ఆలౌటైంది. పూరన్ (78 బంతుల్లో 3 ఫోర్లు, 1 సిక్స్తో 63) రాణించగా, గేల్ (41 బంతుల్లో 5 ఫోర్లు, 1 సిక్స్తో 36), హెట్మయర్ (48 బంతుల్లో 4 ఫోర్లతో 39) ఓ మాదిరిగా ఆడారు. తర్వాత ఇంగ్లండ్33.1 ఓవర్లలో 2 వికెట్లకు 213 పరుగులు చేసింది. సెంచరీతో పాటు రెండు వికెట్లు తీసిన రూట్కు ‘మ్యాన్ ఆఫ్ ద మ్యాచ్’ అవార్డు లభించింది.
రూట్.. నీటుగా
టార్గెట్ చిన్నదే కావడంతో ఇంగ్లండ్కు ఎక్కడా ఇబ్బందులు ఎదురుకాలేదు. దీనికితోడు విండీస్ బౌలింగ్లో పదును లేకపోవడం కూడా కలిసొచ్చింది. ఆరంభం నుంచే బెయిర్స్టో (46 బంతుల్లో 7 ఫోర్లతో 45) దూకుడుగా ఆడినా.. రూట్ మాత్రం కుదురుకోవడానికి టైం తీసుకున్నాడు. సహచరుడికి ఎక్కువగా స్ర్టయికింగ్ ఇస్తూ ఇన్నింగ్స్ను సాఫీగా ముందుకు తీసుకెళ్లాడు. తొలి స్పెల్లో కొట్రెల్, థామస్ పెద్దగా ప్రభావం చూపకపోవడంతో పవర్ప్లేలో ఇంగ్లండ్ 62 పరుగులు చేసింది. నిలకడగా ఆడుతున్న ఈ జోడీని 15వ ఓవర్లో గాబ్రియెల్ (2/49) విడదీశాడు. ఓ షార్ట్ బంతితో బెయిర్స్టోను ఔట్ చేయడంతో తొలి వికెట్కు 95 పరుగుల భాగస్వామ్యం ముగిసింది. ఫించ్ హిట్టర్గా వచ్చిన వోక్స్ (54 బంతుల్లో 4 ఫోర్లతో 40) కూడా బాగా హిట్టయ్యాడు. చెత్త బంతులను బౌండరీకి తరలిస్తూ.. వికెట్ల మధ్య కూడా వేగంగా పరుగెత్తాడు. మధ్యలో స్పిన్నర్లను ప్రయోగించినా.. పరుగులు ఆగలేదు.. అలాగని వికెట్లూ పడలేదు. 50 బాల్స్లో హాఫ్ సెంచరీ పూర్తి చేసిన రూట్తో కలిసి రెండో వికెట్కు 104 పరుగులు జత చేసి వోక్స్ ఔటయ్యాడు. అప్పటికే ఇంగ్లండ్ విజయం ఖాయం కావడంతో.. రూట్ మరింత నెమ్మదిగా ఆడాడు. అదే క్రమంలో 93 బంతుల్లో ఈ వరల్డ్కప్లో రెండో సెంచరీని నమోదు చేశాడు. ఈ దశలో వచ్చిన స్టోక్స్(10 నాటౌట్) కూడా సమయోచితంగా ఆడటంతో మరో 101 బంతులు మిగిలి ఉండగానే ఆతిథ్య జట్టు గెలుపును అందుకుంది.
పేస్ దెబ్బకు కుదేల్..
అంతకుముందు బౌన్సీ ట్రాక్పై ఇంగ్లిష్ పేసర్లు నిప్పులు చెరగడంతో విండీస్ పెద్ద తలకాయలన్నీ తక్కువ స్కోరుకే వెనుదిరిగాయి. పూరన్ఒక్కడే యాంకర్ ఇన్నింగ్స్తో హాఫ్ సెంచరీ చేసినా.. గేల్తో సహా అందరూ విఫలమయ్యారు. యంగ్ పేసర్ ఆర్చర్ (3/30), వుడ్ (3/18), వోక్స్ (1/16), ఫ్లంకెట్ (1/30) వరుస క్రమాల్లో వికెట్లు తీయడంతో విండీస్ఏ దశలోనూ కోలుకోలేకపోయింది. 4 రన్స్కే లూయిస్ (2) ఔట్కావడంతో మొదలైన కరీబియన్ల కష్టాలు చివరి వరకు కొనసాగాయి. ఓపికగా ఆడాల్సిన పరిస్థితుల్లో గేల్, హోప్ (11) అనవసరంగా వికెట్లు పారేసుకున్నారు. 3 బంతుల తేడాలో ఈ ఇద్దరు ఔట్కావడంతో విండీస్ 55/3 స్కోరుతో ఎదురీత మొదలుపెట్టింది. ఈ దశలో పూరన్, హెట్మయర్ ఆచితూచి ఆడుతూ ఇంగ్లండ్ బౌలింగ్ను సమర్థంగా ఎదుర్కొన్నారు. భారీ షాట్లకు పోకుండా స్ర్టయిక్ రొటేట్చేస్తూ వికెట్లను కాపాడుకున్నారు. ఈ క్రమంలో నాలుగో వికెట్కు 89 పరుగుల విలువైన భాగస్వామ్యాన్ని జోడించడంతో కరీబియన్ జట్టు స్కోరు 200లైనా దాటింది. 30వ ఓవర్లో బౌలింగ్కు వచ్చిన రూట్.. డబుల్ షాకిచ్చాడు. కేవలం 7 బంతుల తేడాతో హెట్మయర్, హోల్డర్(9)ను పెవిలియన్కు పంపాడు. భారీ ఆశలు పెట్టుకున్న బిగ్ హిట్టర్రసెల్ఉన్నంతసేపు వేగంగా ఆడాడు. రషీద్ బౌలింగ్లో రెండు టవరింగ్ సిక్సర్లు బాది జోరు పెంచాడు. అదే జోష్లో వుడ్ బంతిని గాల్లోకి లేపి 37వ ఓవర్లో వెనుదిరిగాడు. అప్పటికి జట్టు స్కోరు 188/6. పూరన్ 56 బంతుల్లో ఫిఫ్టీ మార్క్ను సాధించడంతో.. విండీస్ స్కోరు 200 దాటింది. భారీ స్కోరుపై కన్నేసిన విండీను ఆర్చర్ రెండో దెబ్బతీశాడు. 40వ ఓవర్లో వరుస బాల్స్లో పూరన్, కొట్రెల్(0)ను, కొద్దిసేపటికే బ్రాత్వైట్(14)ను వెనక్కి పంపి స్కోరు బోర్డుకు అడ్డుకట్ట వేశాడు.
మోర్గాన్, రాయ్కు గాయం!
మ్యాచ్ సందర్భంగా ఫీల్డింగ్ చేస్తూ ఇంగ్లండ్ కెప్టెన్ మోర్గాన్ గాయపడ్డాడు. బ్యాట్స్మన్ను రనౌట్చేసే ప్రయత్నంలో బంతిని నాన్స్ట్రయిక్ ఎండ్కు విసిరే క్రమంలో జారిపడ్డాడు. దీంతో వెన్ను నొప్పితో ఇబ్బందిపడ్డ మోర్గాన్ పెవిలియన్కు వెళ్లిపోయాడు. ఓపెనర్ జేసన్ తొడ కండర గాయంతో బాధపడుతున్నాడు. మ్యాచ్ ఆరంభంలోనే గాయానికి గురికావడంతో అతను కూడా డ్రెస్సింగ్ రూమ్కు వెళ్లిపోయాడు.
వెస్టిండీస్: గేల్ (సి) బెయిర్స్టో (బి) ఫ్లంకెట్ 36, లూయిస్ (బి) వోక్స్ 2, హోప్ ఎల్బీ (బి) వుడ్ 11, పూరన్ (సి) బట్లర్ (బి) ఆర్చర్ 63, హెట్మయర్ (సి అండ్ బి) రూట్ 39, హోల్డర్ (సి అండ్ బి) రూట్ 9, రసెల్ (సి) వోక్స్ (బి) వుడ్ 21, బ్రాత్వైట్(సి) బట్లర్(బి) ఆర్చర్14, కొట్రెల్ఎల్బీ (బి) ఆర్చర్ 0, థామస్ (నాటౌట్) 0, గాబ్రియెల్ (బి) వుడ్ 0, ఎక్స్ట్రాలు: 17, మొత్తం: 44.4 ఓవర్లలో 212 ఆలౌట్. వికెట్లపతనం: 1–4, 2–54, 3–55, 4–144, 5–156, 6–188, 7–202, 8–202, 9–211, 10–212. బౌలింగ్: వోక్స్ 5–2–16–1, ఆర్చర్ 9–1–30–3, ఫ్లంకెట్ 5–0–30–1, వుడ్ 6.4–0–18–3, స్టోక్స్ 4–0–25–0, రషీద్ 10–0–61–0, రూట్ 5–0–27–2.
ఇంగ్లండ్: బెయిర్స్టో (సి) బ్రాత్వైట్(బి) గాబ్రియెల్ 45, రూట్ (నాటౌట్) 100, వోక్స్(సి) (సబ్) అల్లెన్ (బి) గాబ్రియెల్ 40, స్టోక్స్(నాటౌట్) 10, ఎక్స్ట్రాలు: 18, మొత్తం: 33.1 ఓవర్లలో 213/2.
వికెట్లపతనం: 1–95, 2–199. బౌలింగ్: కొట్రెల్3–0–17–0, థామస్6–0–43–0, గాబ్రియెల్ 7–0–49–2, రసెల్2–0–14–0, హోల్డర్5.1–0–31–0, బ్రాత్వైట్5–0–35–0, గేల్5–0–22–0.