గద్వాల, వెలుగు: జూరాల ప్రాజెక్టుకు వరద కొనసాగుతుండగా, ఆదివారం 19 గేట్లు ఎత్తి నీటిని విడుదల చేస్తున్నారు. ఆల్మట్టి డ్యాం వద్ద 517.98 మీటర్ల లెవెల్ మెయింటెన్ చేస్తూ 60 వేల క్యూసెక్కులు నారాయణపూర్ డ్యామ్ కు వదులుతున్నారు. నారాయణపూర్ డ్యామ్ దగ్గర 491.55 మీటర్ల లెవెల్ మెయింటెన్ చేస్తూ, 15 గేట్లు ఓపెన్ చేసి 48,025 క్యూసెక్కుల నీటిని దిగువకు వదులుతున్నారు. జూరాల డ్యాం వద్ద 317.360 మీటర్ల లెవెల్ ను మెయింటెన్ చేస్తూ 19 గేట్లను ఓపెన్ చేసి నీటిని శ్రీశైలం ప్రాజెక్టుకు విడుదల చేస్తున్నారు.
గేట్ల ద్వారా 74,081 క్యూసెక్కులు, విద్యుత్ ఉత్పత్తి ద్వారా 29,464 క్యూసెక్కులు, నెట్టెంపాడు లిఫ్ట్ కు 750 క్యూసెక్కులు, కోయిల్ సాగర్ లిఫ్ట్ కు 315 క్యూసెక్కులు, లెఫ్ట్ కెనాల్ కు 1,030 క్యూసెక్కులు, రైట్ కెనాల్ కు 600 క్యూసెక్కులు, ఆర్డీఎస్ లింక్ కెనాల్ కు 150 క్యూసెక్కులు, సమాంతర కాల్వకు 700 క్యూసెక్కులు, బీమా లిఫ్ట్–2కు 750 క్యూసెక్కులతో కలిపి జూరాల ప్రాజెక్టు నుంచి 1,07,006 క్యూసెక్కుల నీటిని వదులుతున్నారు. జూరాల ప్రాజెక్టుకు 1.15 లక్షల క్యూసెక్కుల ఇన్ ఫ్లో వస్తోంది.
