కోల్ కతా: ఒకే ఒక్క పాటతో ఓవర్ నైట్ పాపులారిటీ సంపాదించిన ‘భుబన్ బద్యాకర్’ ప్రమాదానికి గురయ్యాడు. రీసెంట్ గా కొనుగోలు చేసిన కారు నేర్చుకుంటుండగా ఈ యాక్సిడెంట్ సంభవించిందని తెలుస్తోంది. పోలీసుల సమాచారం ప్రకారం.. ట్రైనర్ సాయంతో కారు నేర్చుకుంటున్న సమయంలో భుబన్.. పొరపాటున బ్రేక్ బదులు యాక్సిలేటర్ తొక్కడంతో కారు అదుపుతప్పి విద్యుత్ స్తంభాన్ని ఢీకొట్టింది. బెంగాల్ లోని బీర్భూమిలో చోటుచేసుకున్న ఈ ఘటనలో భుబన్ ఛాతీకి స్వల్పంగా గాయాలయ్యాయి. ప్రస్తుతం సూరి స్పెషాలిటీ ఆస్పత్రిలో ఆయన చికిత్స పొందుతున్నాడు. భుబన్ పరిస్థితి నిలకడగానే ఉన్నట్లు తెలుస్తుంది.
According to police, #BhubanBadyakar was trying to drive his car with his trainer beside him when he suddenly pressed the accelerator instead of the brake and he lost control and hit a roadside lamp-post.
— Deccan Herald (@DeccanHerald) March 1, 2022
https://t.co/a1LuMBTE45
ఇకపోతే, కచ్చా బాదమ్ పాటతో సోషల్ మీడియాలో వైరల్ అయిన తర్వాత భుబన్ బద్యాకర్ రాత్రికిరాత్రే స్టార్ గా మారిపోయాడు. బీర్భూమ్ జిల్లాలో పల్లీలు అమ్ముకునే భుబన్.. కొనుగోలుదారులను ఆకర్షించేందుకు ఈ పాటను పాడేవాడు. ఆ తర్వాత ఈ పాటను రీమిక్స్ చేసి యూట్యూబ్‌లో అప్‌లోడ్ చేస్తే 90 మిలియన్ వ్యూస్ వచ్చాయి. పాపులారిటీ పెరగడంతో ఇకపై పల్లీలు అమ్మబోనని భుబన్ చెప్పాడు. పశ్చిమ బెంగాల్‌లోని లక్ష్మీనారాయణపూర్‌ కురల్జురీ గ్రామానికి చెందిన భుబన్ కు ముగ్గురు పిల్లలున్నారు.
మరిన్ని వార్తల కోసం:
