కడెం, వెలుగు: బీఆర్ఎస్కు చెందిన కడెం జడ్పీటీసీ శ్రీనివాస్ రెడ్డితోపాటు లక్ష్మీపూర్ గ్రామ మాజీ సర్పంచ్ విజయ్ రాజన్న కాంగ్రెస్ లో చేరారు. ఉట్నూర్ మండల కేంద్రంలోని ఖానాపూర్ ఎమ్మెల్యే క్యాంపు కార్యాలయంలో అదివారం ఎమ్మెల్యే వెడ్మ బొజ్జు పటేల్ సమక్షంలో వారు కాంగ్రెస్ కండువాలు కప్పుకున్నారు. పార్లమెంట్ ఎన్నికల్లో కాంగ్రెస్ ఎంపీ అభ్యర్థి ఆత్రం సుగుణను భారీ మెజారిటీతో గెలిపించడానికి కృషి చేయాలని ఎమ్మెల్యే కోరారు.
ఈ కార్యక్రమంలో కాంగ్రెస్ మండల అధ్యక్షుడు తుమ్మల మల్లేశ్, యూత్ కాంగ్రెస్ జిల్లా అధ్యక్షుడు సతీశ్ రెడ్డి, మండల మాజీ అధ్యక్షుడు వెంకటేశ్, మాజీ సర్పంచ్ లచ్చన్న, నాయకులు పడిగెల భూషణ్, రాజేశ్వర్ రెడ్డి, తిరుపతి రెడ్డి తదితరులు పాల్గొన్నారు.
