న్యూఢిల్లీ, వెలుగు: దేశ రాజధాని ఢిల్లీలో కేంద్ర మాజీ మంత్రి, కార్మిక నేత జి. వెంకట స్వామి(కాకా) జయంతి వేడుకల్ని రాష్ట్ర ప్రభుత్వం ఘనంగా నిర్వహించింది. సోమవారం తెలంగాణ భవన్లోని అంబేద్కర్ ఆడిటోరియంలో జరిగిన కార్యక్రమానికి పెద్ద సంఖ్యలో ఉద్యోగులు, సిబ్బంది, కాకా ఫాలోవర్స్ హాజరయ్యారు.
ఈ సందర్భంగా ఆ మహనీయుడి చిత్రపటానికి తెలంగాణ భవన్ రెసిడెంట్ కమిషనర్ అద్వైత్ కుమార్ సింగ్ పుష్పాంజలి ఘటించారు. అనంతరం భవన్ ఉద్యోగులు, కాకా అభిమానులు పూలు వేసి స్మరించుకున్నారు. కేంద్ర మంత్రిగా, తెలంగాణ ఉద్యమ నేతగా కాకా చేసిన పనులను పలువురు గుర్తు చేసుకున్నారు.
