కామారెడ్డి టౌన్, వెలుగు : ఎన్నికల్లో ఆయా శాఖల ఆఫీసర్లకు అప్పగించిన పనులను సమర్థవంతంగా నిర్వహించాలని కామారెడ్డి కలెక్టర్ జితేశ్వి పాటిల్ పేర్కొన్నారు. సోమవారం రిటర్నింగ్ ఆఫీసర్లు, తహసీల్దారులు, ఎంపీడీవోలతో వీడియో కాన్ఫరెన్స్ నిర్వహించారు. కలెక్టర్మాట్లాడుతూ.. జిల్లాలో కొత్తగా 51 వేల మందికి ఓటరు కార్డులు వచ్చాయని, పంపిణీపై అధికారులు దృష్టి పెట్టాలన్నారు.
ఎన్నికల ప్రవర్తనా నియమావళిని ఖచ్చితంగా అమలు చేయాలని సూచించారు. చెక్ పోస్టులపై నిఘా ఉంచాలన్నారు. పోలింగ్ కేంద్రాల్లో మౌలిక వసతులు కల్పించాలని చెప్పారు. అడిషనల్ కలెక్టర్లు చంద్రమోహన్, మనుచౌదరి, రిటర్నింగ్ ఆఫీసర్లు శ్రీనివాస్రెడ్డి, ప్రభాకర్, జడ్పీ సీఈవో సాయాగౌడ్ పాల్గొన్నారు.
