- కామారెడ్డి ఎమ్మెల్యే కాటిపల్లి వెంకటరమణారెడ్డి
- ఎస్ జీఎఫ్ రాష్ట్రస్థాయి హాకీ పోటీలు ప్రారంభం
కామారెడ్డి టౌన్, వెలుగు : తెలంగాణ క్రీడాకారులు నేషనల్, ఇంటర్నేషనల్ స్థాయిలో రాణించాలని కామారెడ్డి ఎమ్మెల్యే కాటిపల్లి వెంకటరమణారెడ్డి ఆశాభావం వ్యక్తం చేశారు. శనివారం నుంచి కామారెడ్డి జిల్లా కేంద్రంలోని ఇందిరాగాంధీ స్టేడియంలోఎస్జీఎఫ్ రాష్ట్ర స్థాయి అండర్14 బాలబాలికల హాకీ పోటీలు ప్రారంభమయ్యాయి. ఈ పోటీలు మూడు రోజుల పాటు జరగనున్నాయి. పోటీలను ఎమ్మెల్యే కాటిపల్లి రమణారెడ్డి, కలెక్టర్ జితేశ్ వీ పాటిల్తో కలిసి ప్రారంభించారు. రమణారెడ్డి మాట్లాడుతూ.. గతంలో హాకీ ఇంటర్నేషనల్ స్థాయిలో మనదేశానిదే హవా కొనసాగేదన్నారు.
మళ్లీ పూర్వ వైభవం తీసుకురావాలన్నారు. చదువుతో పాటు క్రీడల్లోనూ రాణించాలన్నారు. కలెక్టర్ జితేశ్ వీ పాటిల్ మాట్లాడుతూ.. ఓటమితో అధైర్యపడకుండా ముందుకు సాగితేనే ఉన్నత లక్ష్యాలను చేరుకోవచ్చన్నారు. ఉమ్మడి 10 జిల్లాల నుంచి 405 మంది క్రీడాకారులు పోటీల్లో పాల్గొంటున్నారని ఎస్జీఎఫ్జిల్లా సెక్రెటరీ రసూల్ పేర్కొన్నారు. డీఈవో రాజు, పీఈటీలు, ఉపాధ్యాయ సంఘాల ప్రతినిధులు పాల్గొన్నారు.
