- కారులో కూర్చుని స్వయంగా పరిశీలన
హైదరాబాద్ సిటీ, వెలుగు: కేబీఆర్ పార్క్ వద్ద పార్కింగ్ కష్టాలకు చెక్ పడింది. జీహెచ్‌‌‌‌ఎంసీ, నవ నిర్మాణ్ అసోసియేట్స్ సంయుక్తంగా నిర్మించిన ఆటోమేటెడ్ స్మార్ట్ మల్టీలెవల్ రోటరీ కార్ పార్కింగ్ను మేయర్ గద్వాల్ విజయలక్ష్మి, ఎంపీ అనిల్ కుమార్ యాదవ్, డిప్యూటీ మేయర్ శ్రీలతా రెడ్డి కలిసి శనివారం ప్రారంభించారు.
ఈ సందర్భంగా వారు కారులో కూర్చుని స్మార్ట్ రోటరీ పార్కింగ్ విధానాన్ని స్వయంగా పరిశీలించారు. ఇక్కడ 72 కార్లు, టూ వీలర్ పార్కింగ్ ఫెసిలిటీ ఉంది. ఇందుకు గాను నామినల్ చార్జీలు కలెక్ట్ చేయనున్నారు. పార్కింగ్ తో పాటు ఫ్రీ టాయిలెట్స్ కూడా ఉండనున్నాయి. ఈ సందర్భంగా మేయర్ మాట్లాడుతూ.. కేబీఆర్ పార్క్కు వచ్చే వారికి పార్కింగ్ ఇబ్బందులు తీరాయని, జీహెచ్‌‌‌‌ఎంసీపై భారం పడకుండా డీజైన్, బిల్డ్, ఫైనాన్స్, ఆపరేట్, ట్రాన్స్ ఫర్ (బీడీఎఫ్‌‌‌‌ఓటీ) విధానంలో కొత్త పార్కింగ్ను అందుబాటులోకి తీసుకొచ్చామన్నారు. కార్యక్రమంలో అదనపు కమిషనర్ అనురాగ్ జయంతి, నవ నిర్మాణ్ సంస్థ ప్రతినిధులు పాల్గొన్నారు.
జూబ్లీహిల్స్: బంజారాహిల్స్ డివిజన్లోని ఉదయ్నగర్ బస్తీ, రోడ్ నెం.13, ప్రేమ్నగర్, శ్రీరామ్నగర్, సింగడికుంటలోమేయర్ గద్వాల్ విజయలక్ష్మి శనివారం పర్యటించారు. రూ.8 కోట్లతో సీసీ రోడ్ల నిర్మాణానికి శంకుస్థాపన చేశారు.
