క్షతగాత్రులను పరామర్శించడానికి వెళ్లిన కర్ణాటక మాజీ సీఎం, కాంగ్రెస్ నేత సిద్ధరామయ్యకు చేదు అనుభవం ఎదురైంది. ఇటీవల కెరూర్ పట్టణంలో ఇరువర్గాల మధ్య జరిగిన ఘర్షణ నేపథ్యంలో ముగ్గురు హత్యకు గురికాగా, మరికొందరు గాయాలపాలయ్యారు. వారిలో ఓ బాధిత కుటుంబానికి రూ.2 లక్షల పరిహారం ఇచ్చిన సిద్ధరామయ్య.. ఆయన ఎస్కార్ట్ వాహనంపైకి గాయపడ్డ వ్యక్తి భార్య డబ్బులను విసిరేసింది. తమకు కావల్సింది డబ్బు కాదని, న్యాయం కావాలని డిమాండ్ చేసింది.
బాగల్ కోటేలోని ఓ ఆసుపత్రిలో చికిత్స పొందుతున్న క్షతగాత్రులను పరామర్శించిన ఆ ప్రాంత ఎమ్మెల్యే సిద్ధరామయ్య .. ఒక్కో గాయపడ్డ వ్యక్తి కుటుంబానికి తన సొంత డబ్బు రూ.50వేలను అందించారు. ఆ క్రమంలోనే ఓ వ్యక్తి సహా నలుగురు కుటుంబీకులను పరామర్శించిన అనంతరం వారికి రూ.2 లక్షలనందించి వెళుతున్న సిద్ధరామయ్యకు ఊహించని పరిణామం ఎదురైంది. ఆయన కారు ఎక్కి వెళ్లిపోతున్న క్రమంలో ఆ కుటుంబానికి చెందిన ఓ మహిళ రూ.2 లక్షల నోట్ల కట్టను సిద్ధరామయ్య వాహనంపైకి విసిరేసింది. తాము తప్పు చేయకపోయినా, కారణం లేకుండా తమ వారిపై దాడికి దిగారన్న ఆ మహిళ.. తమ కుటుంబీకులు కోలుకోవాలంటే కనీసం ఏడాదైనా పడుతుందని.. తమ సమస్యకు డబ్బు పరిష్కారం కాదని తెలిపింది. బిక్షాటన చేసైనా తాము బతుకుతామని.. తమకు కావల్సింది డబ్బు కాదని, న్యాయమని డిమాండ్ చేసింది.
In a high-drama, a #Muslim woman refuses to take Rs 2 Lakh compensation given by opposition leader #Siddaramaiah to those members of the families that suffered injuries during #KerurViolence.#Karnataka #Bagalkote #Badami #Kerur https://t.co/mk3A4fyHyi pic.twitter.com/fITfwgX2xA
— Hate Detector ? (@HateDetectors) July 15, 2022
