హాలియా, వెలుగు: తెలుగు రాష్ట్రాల మధ్య నెలకొన్న కృష్ణా నది జలవివాదం అధ్యయనంలో భాగంగా కృష్ణా రివర్ మేనేజ్మెంట్బోర్డ్ కమిటీ బుధవారం నల్గొండ జిల్లా నాగార్జునసాగర్ ప్రాజెక్ట్ను సందర్శించింది. కృష్ణా నది యాజమాన్య బోర్డు సభ్యులు అజయ్ కుమార్ గుప్తా ఆధ్వర్యంలో నాగార్జునసాగర్ డ్యాం, గ్యాలరీలు, క్రస్ట్ గేట్లు, కుడి, ఎడమ కాలువలతో పాటు ఎస్ఎల్బీసీ ప్రాజెక్టును పరిశీలించారు. కమిటీ పర్యటన అనంతరం ప్రాజెక్ట్కు సంబంధించిన పూర్తి స్థాయి నివేదికను కృష్ణా రివర్బోర్డుకు అందించనుంది. సందర్శించిన వారిలో కృష్ణా రివర్ మేనేజ్మెంట్ బోర్డు సభ్యులు అజయ్ కుమార్ గుప్తా, ఎస్ఈ అశోక్ కుమార్, ఈఈలు శివప్రసాద్, రాఘవేంద్రరావు, సాగర్ డ్యామ్ ఈఈ మల్లికార్జునరావు తదితరులు ఉన్నారు.
