- బీఆర్ఎస్ సర్కారు హయాంలో విజయవాడలో ఉంచిన వెహికల్స్ను మినిస్టర్లకు ఇచ్చిన ప్రభుత్వం
హైదరాబాద్, వెలుగు: రాష్ట్ర కేబినేట్లోని మంత్రులందరికీ సర్కారు కొత్త ల్యాండ్ క్రూజ‌‌‌‌‌‌‌‌ర్ కార్లను కేటాయించింది. ఈ వెహికల్స్కు ఆయా మంత్రులు పూజ‌‌‌‌‌‌‌‌లు కూడా నిర్వహించారు. గత బీఆర్ఎస్ ప్రభుత్వం ఒక్కొక్క వాహనానికి రూ. మూడు కోట్లు చెల్లించి.. 22 ల్యాండ్ క్రూజర్లను కొనుగోలు చేసింది. వాటిని చాలా కాలం పాటు విజయవాడలోనే ఉంచింది. మళ్లీ తమ ప్రభుత్వమే అధికారంలోకి వస్తుందని అనుకున్న బీఆర్ఎస్ వీటికి బుల్లెట్ ప్రూఫ్ జోడించింది.
ఇందుకోసం ఏడాది సమయం తీసుకున్నది. మూడోసారి కేసీఆర్ ముఖ్యమంత్రి అయిన తర్వాత ఈ వెహికల్స్ను వాడాలని నిర్ణయించుకున్నారు. కానీ పరిస్థితులు అనుకూలించక రాష్ట్రంలో కాంగ్రెస్ ప్రభుత్వం అధికారంలోకి వచ్చింది. ఆ తర్వాత ఆ వాహనాలను హైదరాబాద్ కు రప్పించారు. సీఎం రేవంత్రెడ్డి తన కాన్వాయ్లో వాహనాలను తగ్గించడంతో పాటు పాత ల్యాండ్ క్రూజర్లకే రంగులు వేయించి వాడుకుంటున్నారు. అసెంబ్లీ స్పీకర్, శాసనమండలి చైర్మన్, డిప్యూటీ సీఎంలకు అప్పుడే ఈ ల్యాండ్ క్రూజర్లను కేటాయించారు. మిగిలిన వాటిని ఇప్పుడు మంత్రులందరికీ ఇచ్చారు.
