మెల్ బోర్న్: ఆస్ట్రేలియా లెజెండరీ స్పిన్నర్ షేన్ వార్న్ రోడ్డు ప్రమాదంలో గాయపడ్డాడు. తనయుడు జాక్సన్ తో కలసి బైక్ పై వెళ్తుండగా వాహనం స్కిడ్ అయ్యింది. దీంతో కిందపడిన వార్న్ కు గాయాలయ్యాయి. ఈ ఘటనపై మాజీ లెగ్ స్పిన్నర్ స్పందిస్తూ.. ఆందోళన చెందాల్సిందేమీ లేదన్నాడు. స్వల్ప గాయాలు అయ్యాయని.. కానీ నొప్పి మాత్రం తీవ్రంగా ఉందన్నాడు. భారీ ప్రమాదం నుంచి బయట పడినప్పటికీ బాధిస్తోందన్నాడు. కాగా, డిసెంబర్ 8 నుంచి మొదలయ్యే యాషెస్ సిరీస్ లో వార్న్ కామెంట్రీ చేయాల్సి ఉంది. మరి, త్వరగా గాయం నుంచి కోలుకుని కామెంట్రీ చేస్తాడో లేదో వేచి చూడాలి.
