లేహ్: త్రీ ఇడియట్స్సినిమా గుర్తుందా.. అందులో ఆమిర్ఖాన్చదువు చెప్పిన స్కూల్ఇదే. సినిమా క్లైమాక్స్ సీన్లుతీసింది ఇక్కడే. సినిమా బ్లాక్ బస్టర్కావడంతో ‘రాంచో స్కూల్’ అంటూ ఈ స్కూల్కూ బాగా పేరొచ్చింది. ఎక్కడెక్కడినుంచో జనం ఈ స్కూల్లోని గోడను చూసేందుకే వస్తున్నారట. మొదట్లో సంతోషించినా.. ఇప్పుడు మాత్రం ఇదెక్కడి గోలరా బాబూ అని టీచర్లు తలలు పట్టుకుంటున్నారు. రోజూ జనాలు వస్తూపోతుండడంతో పిల్లల చదువు దెబ్బతింటోందని అంటున్నారు. పైగా స్కూల్ను రాంచో స్కూల్అనడమూ నచ్చలేదంటున్నారు. తమ స్కూల్పేరు ‘డ్రుక్పద్మా కార్పో స్కూల్’ అని, ఆ పేరుతోనే పిలవాలంటున్నారు. స్టూడెంట్లు కూడా తాము డ్రుక్పద్మా కార్పో స్కూల్విద్యార్థులమనే చెప్పుకుంటామని, అలాగే గుర్తించాలని కోరుకుంటామని అంటున్నారు. టూరిస్టుల తాకిడితో స్కూలు ఎట్మాస్పియర్దెబ్బతినకుండా అక్కడికి దగ్గర్లోనే ఓ డూప్లికేట్గోడను కట్టి ఓ కాంపౌండ్వాల్ను ఏర్పాటు చేశారట. దీంతో అటు టూరిస్టులు, ఇటు స్టూడెంట్లు అంతా హ్యాపీ అని టీచర్లు చెబుతున్నారు.