సినిమాల్లోనైనా, బయటైనా షర్ట్ లేకుండా కనిపించడానికి సూపర్ స్టార్ మహేష్ బాబు అంతగా ఇష్లపడరు. కానీ తమ అభిమాన హీరోని అలా చూడాలని ఫ్యాన్స్ ఎప్పటినుంచో అనుకుంటున్నారు. ఫ్యాన్స్ డ్రీమ్ను మహేష్ స‌తీమ‌ణి న‌మ్రతా శిరోద్కర్‌ నెరవేర్చారు. మహేష్ స్విమ్మింగ్ చేస్తోన్న ఓ ఫొటోను ఆమె తన ఇన్‌స్టాగ్రామ్‌లో షేర్ చేశారు. ఈ ఫొటోలో మహేష్ షర్ట్ లెస్‌గా క‌నిపిస్తున్నారు. ఇందులో ఆయ‌న సిక్స్ ప్యాక్ లుక్ క్లియ‌ర్‌గా కనిపిస్తోంది కూడా. తొలిసారి మహేష్ షర్ట్ లేకుండా ఉన్న ఫొటో ఇప్పుడు సోషల్ మీడియాలో వైర‌ల్ గా మారింది.
ఇక మహేష్ సినిమాల విషయానికి వస్తే ఈ ఏడాది స‌ర్కారు వారి పాటతో సూపర్ హిట్ అందుకున్నాడు. ప్రస్తుతం త్రివిక్రమ్ ద‌ర్శక‌త్వంలో ఓ సినిమాను చేస్తున్నాడు. హారికా అండ్ హాసిని క్రియేషన్స్ సంస్థ నిర్మిస్తోన్న ఈ సినిమా షూటింగ్ త్వరలోనే ప్రారంభం కానుంది. ఇందులో పూజా హెగ్డె హీరోయిన్ గా నటిస్తోంది. థమన్ మ్యూజిక్ అందిస్తున్నాడు. వచ్చే ఏడాది ఏప్రిల్ 28న సినిమాని విడుదల చేస్తున్నారు. ఈ చిత్రం తరువాత రాజామూళితో మహేష్ సినిమాని చేయనున్నాడు.
