న్యూఢిల్లీ: పుట్టబోయే తన చిట్టిపాపతో టైం స్పెండ్ చేసేందుకు తండ్రి ఏకంగా కోట్ల రూపాయల శాలరీ ఉన్న జాబ్కే రిజైన్ చేశాడు. ఖరగ్పూర్లో ఐఐటీ చదివిన అంకిత్ జోషి, సీనియర్ వైస్ ప్రెసిడెంట్ హోదా ఉన్న ఉద్యోగాన్ని వదులుకున్నాడు. హ్యూమన్స్ ఆఫ్ బాంబేకు ఇచ్చిన ఇంటర్వ్యూలో ఈ విషయాన్ని అంకిత్ వెల్లడించారు. ‘‘నేను సీనియర్ వైస్ ప్రెసిడెంట్ హోదాలో కొన్ని నెలల కిందే జాబ్లో చేరాను. నా వైఫ్ డెలివరీ అయ్యే కొన్ని రోజుల ముందే ఉద్యోగానికి రిజైన్ చేశా. పుట్టబోయే బిడ్డకు టైం ఇవ్వాలనుకునే ఈ అసాధారణ నిర్ణయం తీసుకున్నా. నేను జాయిన్ అయిన ఉద్యోగంలో భాగంగా వేర్వేరు నగరాలకు వెళ్లాల్సి ఉంటుంది. అప్పుడు నా పాపకు టైం ఇవ్వలేనని భావించాను. చాలా మంది జాబ్ వదులుకోవద్దన్నారు. కానీ నా భార్య ఆకాంక్ష మాత్రం నా నిర్ణయాన్ని స్వాగతించింది”అని అంకిత్ జోషి చెప్పాడు. కూతురు పుట్టి నెల రోజులైందని, తన చేతుల్లోనే పాప పడుకుంటున్నదని, జాబ్లో ఉండి ఉంటే ఇలాంటి ప్రేమకు దూరం అయ్యేవాడిని అని అంకిత్ జోషి వివరించాడు. పాటలు పాడుతూ కూతురును పడుకోబెడుతున్నట్టు చెప్పాడు. ఇప్పటికైతే జాబ్లో జాయిన్ అయ్యే ఆలోచన లేదని, ఇంకొన్ని నెలలు కూతురుతో గడిపిన తర్వాత కొత్త ఉద్యోగానికి అప్లై చేస్తానని వివరించాడు.
