- మన ఊరు మన బడి వర్క్స్ స్లో
- స్కూల్స్రీ ఓపెనింగ్ దగ్గరికొచ్చినా ఇంకా కంప్లీట్ కాలే
- క్లాస్రూమ్స్పనుల అసంపూర్తితో ప్రాబ్లమ్స్
కామారెడ్డి, వెలుగు గవర్నమెంట్స్కూల్స్లో సౌలత్లు కల్పించి స్టూడెంట్స్కు మెరుగైన విద్యనందించేందుకు చేపట్టిన మన ఊరు మన బడి పనులు స్లో అవుతున్నాయి. సమ్మర్ హాలిడేస్తర్వాత మళ్లీ స్కూల్స్రీ ఓపెన్కు టైం దగ్గరికొచ్చినా, పనులు మాత్రం కంప్లీట్కాలేదు. కామారెడ్డి జిల్లాలో 1,017 గవర్నమెంట్స్కూల్స్ఉన్నాయి. మన ఊరు మన బడి ప్రోగ్రామ్కింద 351 స్కూల్స్సెలక్ట్ చేశారు. 235 స్కూల్స్లో ఒక్కో స్కూల్కు రూ.30 లక్షల కంటే తక్కువ వ్యయం, 116 స్కూల్స్లో రూ.30 లక్షల కంటే ఎక్కువ ఖర్చుతో పనులు నడుస్తున్నాయి. క్లాస్రూమ్స్ నిర్మాణం, శిథిలమైన బిల్డింగ్లకు రిపేర్, టాయిలెట్స్, కిచెన్రూమ్స్, కాంపౌండ్వాల్స్కు పెయింటింగ్, బోర్డులు, కూర్చోడానికి బెంచీలు, ఇతర ఫర్నిచర్ సౌలత్లు కల్పించాల్సి ఉంది. ఈ పనులు ప్రారంభమై ఏడాది కావొస్తున్నా ఇంకా పూర్తి కాలేదు. ఫండ్స్కొరత పనులపై ప్రభావం చూపుతోంది. ఈ పరిస్థితుల్లో ఫస్ట్ మండలానికి 2 స్కూల్స్చొప్పున పనులు కంప్లీట్ చేయాలని కొద్ది నెలల కింద ఉన్నతాధికారులు జిల్లా ఆఫీసర్లకు ఆదేశించారు. జిల్లాలో 44 స్కూల్స్లో మాత్రమే100 శాతం పనులు పూర్తయ్యాయి.
క్లాస్రూమ్స్ నిర్మాణ పనుల్లో డిలే
తక్కువ అంచనా వ్యయంతో రూ.5 లక్షల నుంచి రూ.30 లక్షల లోపు పనులు కంప్లీట్చేయించారు. 351 స్కూల్స్కు గాను 232లో వర్క్స్కంప్లీట్అయినట్లు ఆఫీసర్లు పేర్కొంటున్నారు. పనులు పూర్తయిన వాటిలో బిల్డింగ్స్ రిపేర్లు , టాయిలెట్స్ నిర్మాణం, పెయింటింగ్, గ్రీన్ బోర్డుల ఏర్పాటు వంటి పనులు మాత్రమే పూర్తయ్యాయి. క్లాస్రూమ్స్ నిర్మాణ పనులు మాత్రం డిలే అవుతున్నాయి. ఇంకా కొన్ని చోట్ల షూరు చేయకపోగా, మరి కొన్ని చోట్ల ఇటీవల ప్రారంభించారు. హాలిడెస్ తర్వాత ఈనెల 12 నుంచి స్కూల్స్ రీ ఓపెన్ కానున్నాయి. హాలిడేస్లో పనులు చేయించాల్సిన యంత్రాంగం నిర్లక్ష్యం చేసింది. కొద్ది రోజుల కింద కలెక్టర్ రివ్యూ మీటింగ్ ఏర్పాటు చేసి, పనులు త్వరగా కంప్లీట్ చేయాలని ఆఫీసర్లను ఆదేశించినా ఇంకా చాలా చోట్ల పనులు పూర్తి కాలేదు. కామారెడ్డి, రాజంపేట, తాడ్వాయి, మాచారెడ్డి, పిట్లం, పెద్దకొడప్గల్, జుక్కల్, మద్నూర్, ఎల్లారెడ్డి మండలాల్లో క్లాస్రూమ్స్ నిర్మాణ పనులు, టాయిలెట్స్, కిచెన్రూమ్స్ నిర్మాణాలు పూర్తి కావాల్సి ఉంది. మన ఊరు మన బడి పనులు చేపట్టాల్సిన చోట బిల్డింగ్స్శిథిలావస్థలో ఉన్నాయి. పనులు అసంపూర్తిగా ఉన్న దృష్ట్యా క్లాసులు నిర్వహించడం కష్టం. వరండాలు, చెట్ల కింద స్టూడెంట్స్ను కూర్చోబెట్టి పాఠాలు చెప్పే పరిస్థితి ఏర్పడే అవకాశం ఉంది.
పూర్తి చేయాలని చెప్పాం..
మన ఊరు మన బడి ద్వారా చేపట్టిన పనులు త్వరగా కంప్లీట్ చేయాలని చెప్పాం. ఇదే వరకే సంబంధిత ఆఫీసర్ల ఆఫీసర్లు, కాంట్రాక్టర్లకు సూచించాం. కొన్ని చోట్ల పనులు కొనసాగుతున్నాయి. వీటిని త్వరగా కంప్లీట్ చేయిస్తాం.
– రాజు, డీఈవో, కామారెడ్డి
