కోల్బెల్ట్, వెలుగు: రాష్ట్ర కార్మిక, మైనింగ్శాఖ మంత్రి వివేక్వెంకటస్వామిని మంచిర్యాల నియోజకవర్గానికి చెందిన కాంగ్రెస్ లీడర్లు, కార్యకర్తలు కలిశారు. కాంగ్రెస్ సీనియర్ లీడర్ జగన్మోహన్ రావు ఆధ్వర్యంలో హైదరాబాద్లోని మినిస్టర్క్వార్టర్లో మంత్రి వివేక్ను ఆదివారం మర్యాదపూర్వకంగా కలిసి పలు అంశాలపై చర్చించారు.
జిల్లా అభివృద్ధికి సంబంధించిన పలు ప్రతిపాదనలను మంత్రి దృష్టికి తీసుకెళ్లారు. స్పందించిన మంత్రి మాట్లాడుతూ.. జిల్లా అభివృద్ధికి అవసరమైన అన్ని చర్యలు తీసుకుంటానన్నారు. పార్టీ బలోపేతానికి కాంగ్రెస్ శ్రేణులందరకు కలిసికట్టుగా పనిచేయాలని సూచించారు. మంత్రిని కలిసినవారిలో ఏఎంసీ మాజీ వైస్ చైర్మన్ పోతురాజుల రామచందర్, ఏఎంసీ మాజీ డైరెక్టర్లు పాయల్ చిన్నయ్య, తనువుల రాజమౌళి, డీఎఫ్సీఎస్ మాజీ చైర్మన్సాకపురం శంకరయ్య తదితరులు ఉన్నారు.
