తెలంగాణ సంస్కృతి, సంప్రదాయాల నేపథ్యంలో తెరకెక్కిన ‘మారెమ్మ’ చిత్ర బృందం భువనగిరిలో సందడి చేసింది. పట్టణంలోని వసుంధర టాకీస్లో హీరో మాధవ్ భూపతి రాజు (నటుడు రవితేజ సోదరుడి కుమారుడు), హీరోయిన్ దీపా బాలు ప్రేక్షకులతో కలిసి సినిమాను చూసి.. వారితో ముచ్చటించారు.
మన సంస్కృతి విశ్వవ్యాప్తం అయ్యేలా దర్శకుడు మంచాల నాగరాజు ఈ రూరల్ డ్రామాను అద్భుతంగా రూపొందించారని, నిర్మాత మయూర్ రెడ్డి ఎక్కడా రాజీ పడకుండా నిర్మించారని నటీనటులు తెలిపారు. ఇంతటి ప్రాధాన్యత ఉన్న చిత్రంలో నటించడం తమ అదృష్టమని, ప్రేక్షకులు సినిమాను విశేషంగా ఆదరిస్తారనే నమ్మకముందని వారు ఆశాభావం వ్యక్తం చేశారు.
