దేశంలో ఇప్పుడు కార్ల కొనుగోళ్ల కోలాహలం కొనసాగుతోంది. దసరా, దీపావళి దగ్గరపడుతున్న వేళ జీఎస్టీ రేట్ల తగ్గింపు రావటంతో షోరూంలు దేశవ్యాప్తంగా కస్టమర్లతో కిక్కిరిసిపోతున్నాయి. మధ్యతరగతి కూడా తమ స్థాయికి తగిన కార్లను కొనుక్కుంటున్నారు. ముందుగా రేట్లు తగ్గటంతో పాటు మరోపక్క బ్యాంకులు కూడా వడ్డీ రేట్లు ఈఎంఐ ఆఫర్లు ప్రకటించటంతో ఇదే లక్కీ ఛాన్స్ అని భావిస్తున్న లక్షల మంది షాపింగ్ చేస్తున్నారు.
ఈ క్రమంలో మారుతీ జుసుకీ సంస్థకు చెందిన ప్యాసింజర్ ప్రీమియం హ్యాచ్ మోడల్ బ్యాలినో రేటు రూ.6 లక్షలకు తగ్గింది. దీని స్టాండర్డ్ మోడల్ రేటు అందరికీ అందుబాటు ధరలోకి వచ్చిందని వెల్లడించింది. వాస్తవానికి గతంలో వీటిపై 28 శాతం జీఎస్టీతో పాటు సెజ్ 1 శాతం నుంచి 3 శాతం వరకు అదనంగా ఉండేది. దీంతో పన్నులకే 31 శాతం వెచ్చించాల్సి వచ్చేది. కానీ ఇప్పుడు పన్ను ఈ మోడళ్లపై 18 శాతానికి తగ్గటంతో భారతీయులు అమితంగా ప్రేమించే బ్యాలినో రేట్లు అందరికీ అందుబాటులోకి వచ్చాయని కంపెనీ ప్రకటించింది.
బ్యాలినో కార్ల ప్రారంభ ధర రూ.5లక్షల 98వేల 900గా ఉంది. అంటే ఇదే క్రమంలో ప్రత్యర్థులకు చెందిన హ్యుందాయ్ ఐ20 రూ.6లక్షల 86వేల 865గా ఉండగా టాటా ఆల్ట్రోజ్ రూ.6లక్షల 30వేల 390గా, టయోటా గ్లాన్జా రేటు రూ.6లక్షల 39వేల 300 వద్ద ఉన్నాయి. జీఎస్టీ రేట్ల తగ్గింపుతో మారుతీ తన బ్యాలినో మోడల్ రేటును ఏకంగా రూ.86వేలకు పైగా తగ్గించింది. ప్రస్తుతం ఇది దేశంలో టాప్ 20 బెస్ట్ సెల్లింగ్ కార్ల జాబితాలో కొనసాగుతోంది. అమ్మకాల పరంగా ఏడో స్థానంలో హ్యాచ్ బ్యాక్ ఉందని గణాంకాలు చెబుతున్నాయి.
ALSO READ : ప్రపంచంలోనే తొలి 'రాడార్‌-ఇంటిగ్రేటెడ్' బైక్: అల్ట్రావయొలెట్ X47 క్రాసోవర్ స్పెషాలిటీస్ ఇవే..
పైగా సేఫ్టీ విషయానికి వస్తే బ్యాలినో 4 స్టార్ రేటింగ్ అందుకుంది Bharat NCAP నిర్వహించే క్రాష్ టెస్టులో. మెుత్తానికి బ్యాలినో ప్రస్తుతం రూ.6 లక్షల నుంచి గరిష్ఠంగా రూ.9లక్షల 10వేల వరకు మోడళ్లు వాటి ఫీచర్ల ఆధారంగా విక్రయించబడుతోంది.
