- ఫుడ్ పాయిజన్ తో యువకుడి మృతి..
- మరో 18 మందికి అస్వస్థత..
- మెదక్ జిల్లా నర్సాపూర్ లో ఘటన
మెదక్/ నర్సాపూర్, వెలుగు: ఫుడ్ ఫాయిజన్ తో ఓ యువకుడు మృతిచెందగా, మరో 18 మంది అస్వస్థతకు గురైన ఘటన మెదక్ జిల్లా నర్సాపూర్లో జరిగింది. వివరాల్లోకి వెళ్తే.. మెదక్– హైదరాబాద్నేషనల్ హైవే పక్కన ఉన్న వన్ ప్యాలెస్ రెస్టారెంట్లో ఈ నెల 12న నర్సాపూర్కు చెందిన సాయిరాం (19) తన ఫ్రెండ్స్తో కలిసి బిర్యానీ, రోటీ, కర్రీ తిన్నారు.
మంగళవారం వారు వాంతులు, విరేచనాలతో అస్వస్థతకు గురవడంతో వివిధ ఆస్పత్రులకు తరలించారు. సంగారెడ్డి ప్రభుత్వ ఆస్పత్రిలో చికిత్స పొందుతూ సాయిరాం బుధవారం మృతిచెందాడు. ప్రస్తుతం 14 మంది నర్సాపూర్ ప్రభుత్వ ఆస్పత్రిలో చికిత్స పొందుతున్నారు.
జిల్లా ప్రభుత్వాస్పత్రుల సమన్వయ కర్త డాక్టర్ శివదయాల్ బుధవారం ఆస్పత్రిని సందర్శించి మెరుగైన వైద్యం అందించాలని డాక్టర్లకు సూచించారు. రెస్టారెంట్ను తనిఖీ చేసిన ఫుడ్ ఇన్స్పెక్టర్ స్వదీప్కుమార్ విచారణ జరిపి చర్యలు తీసుకుంటామని తెలిపారు.
మృతుడి బంధువుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై రంజిత్రెడ్డి తెలిపారు. ఈ ఘటనపై నర్సాపూర్ ఎమ్మెల్యే సునీతాలక్ష్మారెడ్డి దిగ్ర్భాంతి వ్యక్తం చేశారు.
