నోటిపూత వస్తే ఏదైనా తినాలన్నా, తాగాలన్నా తెగ ఇబ్బందిగా ఉంటుంది. శరీరంలో న్యూట్రియంట్స్‌, విటమిన్స్‌ తక్కువైనప్పుడు నోటిపూత వస్తుంది. ఇది తగ్గడానికి రకరకాల మెడిసిన్స్‌ ఉన్నా.. ఇంట్లో ఉండే కొన్ని పదార్థాలతో కూడా నోటిపూత తగ్గించుకోవచ్చు.
- కొబ్బరి నూనెలోని యాంటీ మైక్రోబియల్‌ ప్రాపర్టీలు యాంటీ ఇన్‌‌‌‌‌‌‌‌‌‌‌‌‌‌‌‌ఫ్లమేటరీ, ఎలర్జీ ట్రీట్మెంట్‌‌‌‌‌‌‌‌‌‌‌‌‌‌‌‌గా పనిచేసి అల్సర్లను తగ్గిస్తాయి. నోటిపూత ఉన్నవాళ్లు గంటకు ఒకసారి లేదా పడుకునేముందు కొబ్బరినూనె నోట్లో రాస్తే నోటిపూత తగ్గుతుంది.
- బేకింగ్‌ సోడా నోటిపూత వల్ల వచ్చే యాసిడ్‌‌‌‌‌‌‌‌‌‌‌‌‌‌‌‌ను న్యూట్రల్‌ చేసి అల్సర్స్‌‌‌‌‌‌‌‌‌‌‌‌‌‌‌‌ను తగ్గిస్తుంది. టేబుల్‌ స్పూన్ బేకింగ్‌ సోడాలో కొన్ని నీళ్లు కలిపి పేస్ట్‌ చేయాలి. ఆ పేస్ట్‌‌‌‌‌‌‌‌‌‌‌‌‌‌‌‌ను నోటిపూత మీద రాసి, ఆరనీయాలి. ఇలా రోజుకు రెండుసార్లు చేస్తే నోటిపూత తగ్గుతుంది.
- ఒక గ్లాస్‌ గోరువెచ్చని నీళ్లలో టేబుల్‌ స్పూన్ ఉప్పు వేసి కలపాలి. ఆ నీళ్లను బాగా పుక్కిలించాలి. ఉప్పులో ఉన్న యాంటీ సెప్టిక్‌ లక్షణాలు నోటి పూత వల్ల వచ్చే నొప్పిని కొంత తగ్గిస్తాయి.
- ఆరెంజ్‌‌‌‌‌‌‌‌‌‌‌‌‌‌‌‌లో విటమిన్‌ – సి ఉంటుంది. ఇది ఇమ్యూనిటీని పెంచడమే కాకుండా ఇన్ఫెక్షన్స్‌ రాకుండా కాపాడుతుంది. రోజూ ఆరెంజ్‌ జ్యూస్ తాగడం వల్ల అల్సర్‌ తగ్గి, నోటి పూత పోతుంది.
- క్యాబేజీలో యాంటీ ఇన్‌‌‌‌‌‌‌‌‌‌‌‌‌‌‌‌ఫ్లమేటరీ లక్షణాలు ఉంటాయి. ఇవి నోటి పూత తగ్గడానికి సాయపడతాయి. క్యాబేజీని ఉడకబెట్టి, ఆ నీళ్లను రోజూ తాగితే నోటి పూత తగ్గుతుంది.
- నోటి పూత పూర్తిగా తగ్గడానికి వారం రోజులు పడుతుంది. కాబట్టి, నోటి పూత ఉన్నన్ని రోజులు మసాలా ఉండే ఫుడ్‌, నూనె ఎక్కువగా ఉండే వంటకాలు, టీ, కాఫీలకు దూరంగా ఉండాలి. వీటివల్ల నోటి పూత పెరిగే అవకాశం ఉంది.
